Resey men Qıtay birlesken äskeri oqu-jattığuı Tınıq mwhit sularında bastaldı. Foto: The Wall Street Journal.

Osı düysenbi, de älem basşıları BWW Bas Assambleyasında jinalıp jatqan twsta, Resey men Qıtay Tınıq mwhittıñ soltüstik-şığısında birlesken äskeri oqu jattığuların bastadı. Bwl eki el arasındağı äskeri ıntımaqtastıqtıñ jaña qatınastarın körsetumen birge, Reseydiñ äskeri küş-jigerin körsetuge arnalğan sahnanı deuge boladı. Bwl turalı «The Wall Street Journal» basılımı jazdı.

Qıtay Qorğanıs ministrliginiñ bergen mälimetine qarağanda, Qıtay men Resey arasındağı birlesken äskeri qou-jattığu 8 künge jalğasadı, äri jattığu teñizde jäne qwrlıqtada ötkiziledi delingen. Bwl jattığu soğıs kemelerin äue şabuıldarınan jäne betpe-bet kelgen şabuıl soqqılarınan qorğau jattığuların öz işine qamtitını turalı da aytıp ötti.

Osığan deyin Resey men Qıtay arasında resmi äskeri odaqtastıq bolıp körmegen. Osıdan bwrın saytımızda Korey tübegindegi AQŞ pen onıñ odaqtastarınıñ jasağan qadamdarı Resey men Qıtaydıñ äskeri jäne sayasi odaqtastığın qalıptastıruı mümkin degen boljamdar aytılğan edi. Resey men Qıtaydıñ Tınıq mwhitta ötkizip otırğan bwl äskeri oqu-jattığuları atalğan boljamdı rastap otır. Qıtay-Reseydiñ äskeri odaqtastığı AQŞ pen onıñ öñirdegi odaqtastarına äskeri jattığular arqılı jauap berip otırğanın bayqaymız.

“The Qazaq Times”