Reseydiñ bwrınğı Ekonomikalıq damu ministri Aleksey Ulyukaev osı särsenbide öziniñ para alu oqiğasın "Rosneft' basşısı Igor' Seçin men Federaldı qauipsizdik qızmeti birigip, qoldan wyımdastırğan degen mälimdeme jasadı. Bwl turalı Reuters aqparattıq agenttigi jazdı.
Aleksey Ulyukaev 2016 jılı 15 qaraşada qızmetinen bosatılıp, "Rosneft'" kompaniyası ökilderinen 2 mln AQŞ dolları köleminde para swrağanı üşin jauapkerşilikke tartılıp edi.
"Mağan qarsı ob'ektivti dälelder äli wsınılğan joq. Mwnıñ bäri qoldan wyımdastırılğan", - dedi ol.
Ol "Rosneft'" kompaniyasınıñ basşısı Igor' Seçinniñ jwmıs bölmesinde twtqındalğan bolatın. Bwrınğı ministr özine qarsı Federaldı qauipsizdik qızmeti men "Rosneft'" kompaniyasınıñ birigip qwrğan twzağına bayqausızda tüsip qalğanın aytadı.
Reuters aqparattıq agenttiginiñ osı mälimdemege qatıstı "Rosneft'" kompaniyası basşılığınıñ pikirin swrap joldağan hatı jauapsız qaldı. Al Aleksey Ulyukaev isin nazardan qaldırmay kündelikti jazıp otırğan Resey basılımdarı "Rosneft'" ökilderi: "Aleksey Ulyukaevqa qarsı is qozğağan biz emes, memleket. Sondıqtan bizge qanday da bir swraqtar qoyu ne ayıptau orınsız" degenin jazdı.
Kiberşabuılğa wşırağan BAQ ökilderi qwqıq qorğau organdarına arız tüsirdi
Ortalıq Aziya: tarihi, sayasi jäne ekonomikalıq müddeler ayasında
Qırğızstanda täuelsiz Kloop basılımınıñ qırğız tilindegi saytı bwğattaldı
Reseydiñ Doneck oblısı Konstantinovka qalasındağı bazarğa şabuılınan 16 adam qaza taptı
Sadır Japarov Istıqköldegi tört pansionattı Özbekstanğa beru sebebin tüsindirdi
Pigojinniñ «Vagner» tobı Mäskeu tübine kelip şeginip ketti