Foto: The London Evening Post

Wlıbritaniyanıñ Prem'er-ministri Tereza Mey Euroodaqtan şığu jwmıstarı ayaqtalğannan soñ, Soltüstik Irlandiyadağı beybitşilik bastamalarına Europa qorınan bölinetin qarjını öz qazınasınan töleui mümkin degen mälimdeme jasadı. Bwl turalı Reuters aqparattıq agenttigi jazdı.

Soltüstik Irlandiya jerin ağılşındarğa ülestirip otırğan ortalıq biliktiñ sayasatına qarsı jergilikti wltşıldar men Wlıbritaniya Ükimeti arasında bolğan qaqtığıstardıñ soñğı nüktesi 1998 jılı qoyılıp, qos tarap "Belfast" kelisimine qol qoydı. 3 mıñ 600-ge juıq adamnıñ ömirin qiğan oqiğadan keyin, atalğan mekende beybitşilik ornatu jäne onı saqtau maqsatında Euroodaq Soltüstik Irlandiyağa milliardtağan euro qarjı bölip keldi.

Tereza Mey Euroodaqtıñ beybitşilik boyınşa böletin qarjısı 2020 jılı toqtaılğan soñ, bwl şığındardı Wlıbritaniya Ükimeti öz moynına aluı mümkin ekenin jetkizdi. "Birneşe onjıldıqqa sozılğan qandı qırğınnıñ qwrbandarına qoldau körsetu boyınşa jeke bağdarlama tağayındaudı qolğa alamız", - dedi Prem'er.

“The Qazaq Times”