Guam aralı jäne Soltüstik Koreya. Foto: rt.com.

Soltüstik Koreyanıñ «Ortalıq aqparat» agenttigi 8 şilde taratqan habarında, Soltüstik Koreya Qarulı küşteri AQŞ-qa qarastı Guam aralı mañın ballistikalıq zımıranmen atqılauğa dayındalıp jatır dep mälimdedi. Bwl turalı atalğan agenttikke silteme jasay otırıp, «Şinhua» agenttiginiñ resmi saytı habarlaydı.

KCNA (Soltüstik Koreya Ortalıq aqparat agenttigi) QHDR Halıq armiyasınıñ strategiyalıq qolbasşılıq ortalığınıñ ökili 8 şilde küngi sözinde: «Amerika Qwrama Ştatınıñ Guam aralındağı Andersen äue bazaları men strategiyalıq bombalauşı wşaqtarın tosu jäne jolın kesu üşin, sonımen birge AQŞ-qa qatañ eskertu signalın beru üşin, QHDR Halıq armiyası «Mars-12» ballistikalıq zımıranı arqılı Guam aralı mañına şabuıl operaciyasına mwqiyat dayındalıp jatır», – dedi.

Guam aralı. Foto: maps.google.kz/ WeChat-1610955873/

«Qatıstı departamentter operaciyanı tolıqtay zertteu, twjırımdau qızmetterin ayaqtap bolğannan keyin, KHDR qarulı küşteriniñ eñ joğarı qolbasşısı, KHDR eñ joğarı basşısı Kim Joñ Un (Kim Jong Un) soñğı şeşimdi qabıldaydı. Eñ joğarı basşınıñ pärmenimen operaciya kez-kelgen uaqıtta jüzege asadı», – dep mälimdedi Soltüstik Koreya Halıq armiyasınıñ ökili.

Soltüstik Koreya AQŞ-tıñ jaqında jasağan qwrlıqaralıq zımıran sınağın, strategiyalıq bombalauşı wşaqtarın Korey tübegine jaqın wşırıp, arandatuşılıq jasadı dep ayıptadı. Sonımen birge, Soltüstik Koreya qarulı küşteriniñ resmi mälimdemeşisi, AQŞ-tıñ bwl isi KHDR rejimine qarsı, tübektiñ qauipsizdigine qarsı arandatu maqsatı bar dep körsetti. Ol sözinde Soltüstik Koreya äue keñistigine jaqın wşatın AQŞ strategiyalıq bombalauşı wşaqtarı, Guam araldarınan wşıp şığatının alğa tarttı. Guam aralınıñ AQŞ üşin asa mañızdılığın ayta kelip, Qwrama Ştattıñ qastığın jüzege asırmau üşin osı qadamğa baratındarın aytıp ötti.

“The Qazaq Times”