Almatı qalası Naurızbay audanı Qarğalı özeniniñ aumağında «Sel - 2017»  birleskenkölemdi komandalıq-ştabtıq jattığuları ötkizildi.

Jattığu jwmıstarına  Qazaqstan Respublikası Tötenşe jağdaylar Departamenti, Naurızbay audandıq äkimdigi, Naurızbay audandıq Tötenşe jağdaylar bölimi, Almatı qalası İşki ister Departamentiniñ Jergilikti policiya qızmeti, Qazaqstan Respublikası İİM Tötenşe jağdaylar komitetiniñ respublikalıq jedel-qwtqaru otryadı, «Qazselqorğau» jäne «Apattar medicinası ortalağı» memlekettik mekemesiniñ filialı, Almatı qalası äkiminiñ apparatı «Almatı qalasınıñ qwtqaru qızmeti - 109» qızmetkerleri, sonımen qatar Wlttıq wlannıñ 28237 äskeri böliminiñ äskeri qızmetşileri men sarbazdarı qatısqan.

Almatı qalası Tötenşe jağdaylar Departamentiniñ bastığı, örtke qarsı qızmetiniñ general-mayorı Serik Äubäkirov.

Komandalıq-ştabtıq jattığulardı Almatı qalası Tötenşe jağdaylar Departamentiniñ bastığı, örtke qarsı qızmetiniñ general-mayorı Serik Äubäkirov aşıp, atalğan oqu-jattığular keşeni aumaqta tötenşe jağdaylar qaupi tuındağan kezde sel jüru apatınıñ aldın alu maqsatında qwtqaru jwmıstarın wyımdastırıp jürgizu üşin, sonday-aq tötenşe jağday tuındauı mümkin eldi-mekenderdiñ ğimarattarı men halqın apattan qorğau maqsatında ötkizilip jatqandığın atap ötti.

General-mayor Serik Äubäkirovtiñ komandalıq-oqu jattığudı bastau turalı pärmeni qabıldanısımen, är sala qızmetkerleri öz bağıttarı boyınşa qwtqaru jwmıstarın jürgizudi bastadı.

Oqu-jattığu jwmıstarı kezindeAlmatı qalası Naurızbay audanı Qarğalı özenindegi su deñgeyiniñ şamadan tıs köteriluine baylanıstı su jinau toğanınıñ apatına äkep soqtıruı mümkin jağday boyınşa is-şaralar orındaldı. Keşendi is-qimılğa 24 birlik tehnika men 159 adam tartıldı.

Jattığuğa qatısqan sarbazdar

Almatı oblısı Wzınağaş auılında ornalasqan Qazaqstan Respublikasınıñ Wlttıq wlanı azamattıq qorğanıs jönindegi 28237 äskeri böliminiñ äskeri qızmetşileri bwl oqu-jattığularğa erekşe äzirlikpen keldi. Bölim komandiriniñ bwyrığımen «Apat» dabılımen köterilgen jeke qwram dereu bes qaruın saylap sapqa twrğızılıp, boluı mümkin tötenşe jağday ornına uaqtılı kelip jetti.Tötenşe jağdaylar Departamenti basşısınıñ bwyrığımen wlandıq jauıngerlerdiñ qwtqaruşılar tobı Naurızbay audanı Qarğalı özeni boyındağı sel jürip ötken eldi-mekenderdegi qirap qalğan twrğın üyler men ğimarattar ornında apattıñ zardaptarın joyu jäne twrğındardı qwtqaru men olarğa kömek körsetuboyınşa jwmıstardı bilekterin sıbana jürip belsene atqardı. Olardıñ is-äreketterin Tötenşe jağdaylar Departamentiniñ basşılığı erekşe atap ötti.Jalpı «Sel - 2017» birlesken komandalıq-ştabtıq oqu-jattığular qorıtındısı boyınşa wlandıq qwtqaruşı jauıngerler özderine tapsırılğan mindetterdi minsiz atqarıp, tötenşe jağday saldarımen oydağıday kürese bildi. Oqu-jattığu kezinde özderine jüktelgen mindetterdi tabandılıqpen orındap, Äskeri anttarına adal bolğanı üşin 28237 äskeri böliminiñ komandiri podpolkovnik Bayanğali Esjanov jeke qwramğa alğıs jariyaladı.

“The Qazaq Times”