Foto: Vesti.ru

Resey men Qıtay birlesken äsker oqu-jattığu jwmıstarın bastadı, dep habarlaydı The NewYork Times basılımı.

Şildeniñ 25-si küni Mäskeu men Beyjiñ äskeri oqu-jattığu jwmıstarın soñğı uaqıtta Resey men NATO arasındağı şielenistiñ epicentrine aynalğan Baltıq teñizinde bastadı.

Osı uaqıtqa deyin Resey Baltıq teñizinde äskeri oqu-jattığuların eskertusiz jasaydı dep kelgen NATO, bwl jolı Qıtay men Reseydiñ birlesken äskeri oqu-jattığular ötkizetinin eki apta bwrın aldın-ala bilgendikterin habarladı.

Resey men Qıtay bwl birlesken äskeri oqu-jattığu jwmıstarın "AQŞ-tıñ eki el arasın alşaqtatuğa jasağan qadamdarına qarsı jasalıp otırğan şeşimderdiñ biri" dep mälimdedi.

Osıdan bir jıl bwrın Resey men Qıtay birlesip äskeri teñiz küşteriniñ oqu-jattığu jwmıstarın Oñtüstik-Qıtay teñizinde ötkizgen bolatın.

“The Qazaq Times”