Tillerson Katar ämirimen kezdesude. Foto: Bigmir.net.

Arab elderi arasında bolıp jatqan Katar dağdarısınıñ oñ özgeristeri bayqaldı. Köpten beri Saud Arabiyası bastağan elderdiñ Katardı bwğattauın qoldap kelgen AQŞ ükimeti soñğı kezde Katardıñ lebizine bas şwlğıp şığa keldi.

21 şilde küni AQŞ memlekettik hatşısı Tillerson habarlama jariyalap, Katardıñ terrorizmge qarsı twruda oñ qadamdarğa barğanın, sondıqtan Saud Arabiyası bastağan elderdiñ Katarğa salğan sankciyasınıñ tezirek küşi joyılatınına ümit etetinin ayttı.

Qıtaylıq «Şinlañ» aqparattıq agenttiginiñ resmi saytınıñ habarlauınşa, Tillerson bwl pikirin Omannıñ AQŞ-qa saparlay barğan SİM basşısı Alabimen Uaşingtonda ötkizgen baspasöz mäjilisinde bildirgen. AQŞ pen Katar eki el jaqında terrorizmdi qarjılandıruğa qarsı is-qimıl jönindegi özara tüsinistik turalı memorandumğa qol qoydı. Sonımen Katar jağı Saud Arabiyası bastağan eldermen bolğan kez-kelgen qayşılıqtı, Katar egemendigine qwrmet etken jağdayda tolıqtay kelissöz arqılı şeşuge dayın ekenin mälimdegen.

Eske sala keteyik:

  • 5 mausım küni Saud Arabiyası bastağan arab elderi Katardıñ qwrlıq, äue jäne su joldarın kesip, tübekpen bolğan barlıq diplomatiyalıq qarım-qatınasın üzgen;
  • 23 mausım küni Saud Arabiyası bastağan elder Katarğa 13 tarmaqtı talabın joldağan;
  • 5 şilde küni tört eldiñ 13 tarmaqtı talabın Katar jağı tügeldey teriske şığardı;
  • 11 şilde küni Katar men AQŞ eki el terrorizmdi qarjılandıruğa qarsı is-qimıl jönindegi özara tüsinistik turalı memorandumğa qol qoydı.

“The Qazaq Times”