Foto: ASTV

Päkistan äskerleri Ündistannıñ eki habarlasu bazasın talqandap, 4 äskerin atıp öltirdi. Bwl turalı 10 şilde küni täñerteñ Päkistan mediaları habarladı, dep jazadı AQŞ-tıñ news.sinovision.net saytı. Oqiğa 9 şilde küni bolğan.

Päkistan ükimeti bwdan bir kün bwrın «Ündistan äskerleri eki el arasındağı şekara sızıqtan attap kirdi» dep qatañ ayıptap eskertu jasağan. Sonday-aq, "Ündi eliniñ mwnısı aşıq äşkere otarşıldıq äreket, biz öz halqımızdıñ amandığı üşin osı qadamğa bardıq" dep mälimdeme jariyalağan.

Osı elde twratın Halıqaralıq apattı jağdaylardı baqılau mekemesiniñ habarına qarağanda, 2017 jıldıñ basınan beri osı sekildi qaqtığıstardan Päkistan territoriyasınıñ işinde 18 adam ölip, 105 adam jaralanğan eken.

Päkistan men Ündistan arasında wzaq jıldardan beri şeşilmey kele jatqan irili-wsaqtı qaqtığıstar jeterlik. Dese de, bwl körşi elderdiñ bir-birine aşıq oq atuı, äsirese, Päkistan jaq "elimizdiñ şekarasına basıp kirdi" dep qatañ ayıptap äskeri qadamğa barğanı, atalmış qayşılıqtı odan arı üdetetin bastama boluı da mümkin. Sebebi, Päkistanniñ Qıtaymen öte tatu-tätti dostığınıñ tereñdegenin eskersek, endigi mäsele alpauıt elder arasında tuındamasına kim kepil?!

Ädilet Ahmetwlı

 “The Qazaq Times”