Putin AQŞ-tıñ barlau agentterin jerden alıp, jerge saldı. Foto: The Wall Street Journal.

Resey prezidenti Putin düysenbi küni AQŞ barlau agentterin älemdik kiber şabuılşılar dep ayıptadı. Olardıñ älem elderine kiber şabuıldar jasağanın, bwdan äsirese reseylik komp'yuter jelileri qattı zardap şekkenin ayttı. AQŞ barlau agentteriniñ kiber şabuılında sayasi astar bar dep sınğa aldı.

Tanımal basılım “The Wall Street Journal”-dıñ habarlauına qarağanda, Putin Qıtay astanasında jurnalisterge bergen jauabında, bwl retki älemniñ birneşe elinde bolğan kiber şabuıl Reseymen eş qatısı joq, kelu qaynarı Amerika Qwrama Ştatı dep kesetti. Sonday-aq, bwl virustardıñ Reseydiñ jelilik infraqwrılımdarına auır zardabın tigizgenin aytıp ötti.

Al sarapşılardıñ közqarasına nazar audarsaq, olar bwl retki kiber şabuıl Resey komp'yuterlik infraqwrılımdarınıñ kemşilikterin ayqındap bergen.  Arnayı qauipsizdik sarapşıları atalğan kiber şabuılda paydalanılğan bağdarlama AQŞ-tıñ Memlekettik qauipsizdik departamentinen wrlanğan bağdarlama bolıp tabıladı. Ol Microsoft kompaniyasınıñ şabuılğa qarsı paydalanatın Windows Qauipsizdik jüyesiniñ osaldığınan kelip şıqqan dep otır.

AQŞ-tıñ Wlttıq qauipsizdik agenttigi bwl turalı tüsinik beruden bas tarttı.

"The Qazaq Times"