Jañaözen qalasında twraqtı jwmıs talap etken twrğındardıñ narazılığı jalğasıp jatır. 7 säuirge qarağan tüni jinalğandar qala äkimdigi aldında qonıp şıqtı. Policiya şara "zañsız" ekenin eskertti. Jinalğandar akciya jöninde bilikke eskertu jasağanın, zañ bwzbağanın ayttı. Bwl turalı Ortalıq Aziya jañalıqtar qızmeti jazdı.

"Bizdiñ bir ğana talabımız bar – jwmıs. Bizge jwmıs bermeyinşe, osında twramız. Eşteñe şeşilmese, jinalğandar aştıq jariyalauğa da dayın" dedi akciyağa qatısuşılardıñ biri videomälimdemede.

Äkimdik aldında tünde 10 şaqtı adam qonğan dep aytıladı.

7 säuirde kündiz narazılardıñ biri özderine qısım küşeygenin, policeyler adamdardı äkimdik aldınan quıp jatqanın habarladı. Twrğındar jibergen videolarda äkimdik aldında policiya köligi twrğanı, policiya qızmetkerleri jürgeni körinedi.

Jañaözen policiyası äzirşe oqiğağa tüsinikteme bergen joq.

Qazir Jañaözende eki jerde narazılıq bolıp jatır. Biri äkimdik aldında: jergilikti twrğındar özderi men otbası müşelerin twraqtı jwmısqa ornalastırudı talap etip otır.

Ekinşisi – 4 säuirde bastalğan "Özenmwnaygaz" kompaniyası aldındağı narazılıq.

"Özenmwnaygazğa" enşiles "BerÄli Mañğıstau Company" mekemesinde isteytin 100-den astam mwnayşı 1 säuirden bastap jwmıssız qalğanın aytıp, twraqtı jwmıs talap etip keledi.

"Özenmwnaygaz" kompaniyasınıñ qwramına 16 öndiristik mekeme kiredi. Kompaniyanıñ resmi saytındağı aqparatqa qarağanda, käsiporında 9 mıñnan astam adam jwmıs isteydi. Kompaniya Özen jäne Qaramandıbas kenişterin igerumen aynalısadı.

2021 jılı jazda jäne küzde "Kezbi" kompaniyasınıñ jwmısşıları birneşe ret ereuil jasap, jalaqı ösirudi jäne eñbek jağdayın jaqsartudı talap etken. 2023 jılı mamırda 26 jwmısşı Astanağa barıp, eñbek jäne halıqtı äleumettik qorğau ministrligi men "QazMwnayGaz" kompaniyası ğimarattarınıñ aldında eki apta qonğan. Jwmısşılardıñ bir böligi jwmıstan şığarılıp, tamızda "BerÄli Mañğıstau Company" mekemesine jwmısqa ornalasqan.