Almatı qalasınıñ irgesindegi Talğardan 3 şaqırım jerde ornalasqan Alatau okurginiñ Qızıl-Qayrat möltek audanındağı twrğındardıñ BAQ qwraldarına şıqqannan basqa amalı qalmağan. Elimizdegi köptegen auıldarğa ortaq problema jarıq, jol jäne sudıñ jetispeuşiligi men dwrıs jolğa qoyılmauına baylanıstı auıl, audan, obl äkimderine deyin barıp eş nätije şığara almağan. 

Qızıl-Qayrat auılı Talğar audanına qarastı. Osında auıldıñ ayaq jağına orın tepken twrğındar özderi "Keleşek" dep atap ketken şağın audan bar. Bwl arada ornalasqan twrğın üylerdiñ mäselesi şaş etekten. Auıl twrğındarına eñ qajetti jol, jarıq, su mäseleleri jüyeli türde şeşilmegen. Kişkentay auıldıñ ülken mäseleleri şeşimin tappağandıqtan auıl twrğındarı oblısqa deyin şağımdanğan. Odanda eş nätije bolmağan soñ Keleşektikter BAQ qwraldarın şaqırıp, aşıq aqparat közine arız-şağımdarın ayttı. Tört jıldan beri osı auılda twrıp kele jatqan aqın Däuletbek Baytwrsınwlı:

– Qızıl-Qayrat auılı, Keleşek twrğındarınıñ jağdayı müşkil. Jol batpaq, tığıladı, svetteri öleusiregen, su mäselesi de sapalı emes. Osınday köptegen mäsele bar. Ötkende bilesizder qañtar oqiğası boldı, qañtar oqığasınıñ tağı bir jağında ne jatır degende, äleumettik mäseleniñ dwrıs şeşilmegeni, auıldağı, eldegi jastardıñ mäselesiniñ dwrıs şeşilmegeni. Halıqtıñ bilikke narazılığı. Al ol narazılıqtı kim tudırıp otır. Ol narazılıqtı jergilikti äkimder tudırıp otır, –dep el işiniñ tınıştığınıñ kepili auıldağı äleumettik mäselelerdiñ şeşilui ekenin aytadı.
Auıl twrğındarınıñ öz küşimen jalğağan jarıqpen suınıñ bügingi qajettilikti qamtamasız ete almaudıñ saldarınan twrmıstıq tehnikalardı jii isten şığatının aytqan Omar Qaptağaev osı mäselelerdi 2 jıldıñ işinde şeşip berem degen auıl äkiminiñ 2016-jıldan beri eş qayran jasamağanın aytıp:
– Bwl eki mıñınşı jıldan bastap Keleşek mikrorayonına köşip kelip özimiz transformator qoydıq. Ol transformatordıñ küşi 300 sem'yağa arnalğan bolatın. Endi qazir jıldan-jılğa janwyalar köbeyip jatır. Bwl transformatordıñ küşi jetpey jatır. Qanşama äkimge bardıq audan äkimi oblısqa silteydi, obıls äkimi audan äkimine silteydi, – dep öz şağımın ayttı.
Auıldıñ tağı bir twrğını Äset Kişu jol mäselesi boyınşa äkimşilikke san märte barsa da eşqanday nätije bolmağanın aytadı
– Jazda şañ boladı, qısta batpaq boladı. Mına jaqta balalar batpaqta ayaq-kiimderi qalaıp qalıp mektepke jalañ ayaq barğan kezderi boladı. Sondıqtan ayaq-kiimge salafan kiip şığamız mına jerde. Mına jerde qaraytın bolsıañız körşi-qolañnıñ bäri jür gälöşte. Forma nomer 1 bwl bizdiñ auılda, –dedi.
Jol mäselesin auıl twrğındarı özderi qarjılarımen birlesip şeşuge tırısqanımen bwl äli de jekiliksiz bolıp twr. Auıldağı toqtap qalğan şalşıq sular onıñ bäri de adamdardıñ jürip twrıuına kedergi. Qarlı jäne jañbırlı künderi bwl jolda jayau adam tügili köliktiñ jürip twruı qiın boladı. Auıldıñ joğarğı böliginde ornalasqan twrğın üylerdiñ jarığı, ol jaqtağı transformatorlar memleket balansına ötkizilgenmen tolıqtay qamtamasız ete almaydı. Bwl jaqta qonıstanğan twrğındardıñ köbeyuine baylanıstı, äsirese balalardıñ keşki sabaqqa dayındalatın mezgilinde jarıqtıñ jetispeuşiligi bayqaladı. Al tömen jaqtağı ornalasqan üylerdiñ transformatorları äli de memleket balansına ötkizilmegen. Sonday-aq bwl jaqtağı qauipsizdik mäselesi qanşalıqtı talapqa say keledi. Bwl da kezek küttirmeytin mäsele.

Almatı obl. Talğar audanı, Qızıl-Qayrat auılı.

Nwrbätima Baytwrsın