Qazaqstan prezidenti Qasım-Jomart Toqaev ükimet basşısı jäne WQK jetekşileri Auğanstan mäselesine qatıstı şwğıl jiınadı. Otırısta Auğanstandağı jağday men oğan qatıstı şwğıl şaralar turalı talqılanğan. Bwl turalı prezidenttiñ baspasöz hatşısı Berik Uäli öziniñ äleumettik jelidegi paraqşasında mälimdedi.

Prezidenttiñ resmi ökili habarlağanday, bwl keşeden beri prezident tarabınan Auğanstanğa qatıstı şaqırılğan ekinşi jinalıs. Bügingi otırısta ükimet basşısı Asqar Maminmen qosa, küştik qwrlımdardıñ, aytalıq WQK, SİM, İİM, Qorğanıs jäne Tötenşe jağdaylar ministrlikteri, Bas prokuratura, memlekettik küzet qızmeti basşıları qatısqan. Jinalısta sonday-aq Qauipsizdik keñesiniñ hatşısı Äset Isekeşov te bar.

Auğanstandı taqırıp etken jiın.

Otırısta Auğanstandağı jağdayğa baylanıstı Qazaqstannıñ wlttıq müddesin eskere otırıp, şwğıl äreket etu şaraları, sonımen qatar qazaqstandıqtardıñ qauipsizdigin qamtamasız etu mäselesin talqılağan. Prezident Toqaev qwzırlı orındarğa Auğanstandağı jağdaydı jan-jaqtı baqılauğa wstaudı tapsırğan.

The Qazaq Times