AQŞ Ökilder palatası men Senattıñ 70-ten astam müşesi ükimetke Qıtay biliginiñ Şıñjañda jasağan genocidi men adamzatqa qarsı qılmıstarın anıqtau turalı tapsırma berdi. Soğan qosa, osınday «öreskel sayasattı» jüzege asıratın Qıtay şendilerine sankciya saluğaşaqırdı.

Keşe, respublikaşıldar men demokrattardan jiını 74 senator AQŞ memleket hatşısı M. Pompeo men qarjı ministri S. Mnuçinge hat joldadı. Hatta olar Qıtay ükimetiniñ Şıñjañdağı wyğırlarğa jäne basqa da mwsılman az wlttarğa qarsı äreketterin jalğastırıp jatqanın, kommunistik bilik ondağı az sandı wlttardıñ mädenieti men dini senimderine erkindik bermeydi jäne äyelderge qarsı zorlıq-zombılıqtı qoldaydı dep mälimdegen. Bwl äreketke AQŞ pen halıqaralıq qauımdastıqtıñ jol bermeui qajet delingen.

«Sizderdi osı qatal sayasattı ayıptauğa jäne osı qılmıstardı jasağan Qıtay şeneunikterin sankciyalauğa şaqıramız, sonımen birge ükimetten Qıtay ükimetiniñ wyğır, qazaq jäne basqa da mwsılman az wlttarğa jasalğan qatıgez qılmıstar men genocid äreketterine qatıstı mälimet berudi swraymı», – degen senatorlar hatta.

Zañ şığaruşılar AQŞ ükimetin basqa memlekettermen birlese otrıp Qıtaydıñ Şıñjañdağı sayasatın baqılau jönindegi BWW bastamasın qoldauğa şaqırdı. Olar sonday-aq: «Bizdiñ ökilder BWW Qauipsizdik Keñesiniñ brifingtik otırısın ötkizip, Şıñjañdağı jağday turalı arnayı bayandamaşı tağayındauı kerek», - degen.

"Qıtaydıñ genocid sayasatın ayıptap, Şıñjañdağı azşılıq toptardıñ mäjbürli sterilizaciya, tüsik jasatu jäne qamauda wstau, qinau äreketteriniñ aldın alıp, Qıtay ükimetin dereu AQŞ pen halıqaralıq qauımdastıq tarapınan qatañ ayıptaluı kerek", - deydi Kongresmen Smit. Ol jäne Halıqaralıq Olimpiada komitetin 2022 jılı Pekinniñ qısqı Olimpiada oyındarın ötkizu qwqığınan ayıruğa şaqırdı. Ol jäne: «Genocid nemese adamzatqa qarsı qılmıs jasağan eşbir memleketke sıylıq berlmeui kerek», – dedi.

"The Qazaq Times''