Türik prezidenti Rejep Tayip Erdoğannıñ Eruropa elderine wstanğan közqarasına jäne Germaniya men Niderlandını nacistik äreketter jasadı dep ayıptauına Franciya men Germaniya basşıları qarsılıq bildirdi. Bir kün bwrın "Pars" baspasözi, Franciya prezidenti Fransua Olland pen Germaniya kancleri Angela Merkel'telefon arqılı söylesip, Erdoğannıñ pikirine qarsı ortaq pikirge kelgenin habarlağan bolatın.  Olar: «Türik prezidenti Erdoğannıñ Germaniya men Niderlandını nacizmmen salıstıruın jäne Germaniya men Euroodaqtıñ basqa da müşelerine qarsı söyleuin qabıldauğa bolmaydı», – degen twjırımğa kelgen.

Niderlandı Türkiya ministrlerine ügit-nasihat jwmıstarın jürgizuge rwqsat bermegennen keyin, Erdoğan ükimeti men Europanıñ qarım-qatınastarı qayşılıqtarğa wlastı. Türkiya basşıları öz eliniñ Konstituciyasına özgerister engizu referendumına baylanıstı ügit-nasihattarın Europada ömir süretin türik azamattarınıñ arasında jürgizbek bolğanda keybir europalıq ükimetterdiñ qarsılığına wşırağan edi.

Ötken jılı 16 şildede bolğan «bilikti äskeri töñkerispen tartıp almaq boldı» delingen toptı der kezinde auızdıqtağan Erdoğan biligi, osı istiñ qızuında el aumağındağı özin jaqtamaytın biraz azamattı twtqındap, quğınğa wşıratqan edi. Bwl turalı Europa elderi türik biligin qatañ sınğa alğan bolatın. Adamdıq qwqıqtıñ taptalğanı turalı öre türegelgen Europa elderinen bet bwrğan Erdoğan, sol kezdegi  Türkiyamen arada äskeri qaqtığıs tuılğalı twrğan Reseymen til biriktirdi. EO-nıñ salğan sankciyalarınan şirığıp otırğan Resey biligi birden Erdoğannıñ jaqtasına aynalğan bolatın.

Türkiyanıñ Reseymen ortaq pikirge kelui Euroaymaqtağı elderdiñ şamına tidi. Sondıqtan, türik biliginiñ referendumğa baylanıstı Europadağı türik azamattarına jasamaq bolğan ügit-näsihatına jol bermey keledi. Alayda, Resey-NATO arasındağı janjaldar tolastap, Resey men EO arası jaqındar bolsa, Reseyge arqa süyep Käri qwrlıqqa azu tisin körsetip otırğan Erdoğan biligi oqşau qalmasına kim kepil. Ötken tarihta da Resey biliginiñ öz müddesi sınğa tüskende, odaqtastarına opalı bolğan sätteri tım az kezdesedi. Uaşington biligindegi dästürli Reseyge degen senimsizdik te sonıñ ayğağı.

“The Qazaq Times”