N'yu-York qalası 2100 jıl. Foto: dezeen.com.

 

Bwğan deyin Jer klimatı qazirgi qarqınmen jılına berse, 2100 jılğa barğanda teñiz suları 1 metr şamasında köteriledi dep boljanğan edi. Alayda, Antraktika men Grenlandiya araldarındağı mwz qabattarınıñ eruine qaytalay zertteu jürgizgen Britaniya men AQŞ ğalımdarı teñiz-mwhit su deñgeyiniñ köterilui biz şamalağan mölşerden eki ese artıq bolatının boljadı.

Ğalımdardıñ soñğı twjırımına säykes, auağa şığarılatın kömir qışqıl gazınıñ mölşerin azaytpasaq, 2100 jılğa barğanda London, N'yu-York, Şanhay sekildi alıp megapolister su astında qalıp, birneşe jüz mln adamnıñ qonıs audaruına tura keledi.

Biıl Davosta ötken Düniejüzilik ekonomikalıq forumda BWW bas hatşısı Antoniu Guterreş älem ekonomikasına töngen eñ ülken qorqınış – klimat özgerisi dep körsetti. «Biz bwl jarısta artta qalıp jatırmız. Klimat özgerisi bizdiñ aldın alu şaralarımızdan älde qayda tez bolıp jatır. Şınayı jağday biz oylağannan da auır ekenin soñğı oqiğalar däleldep jatır», – degen BWW bas hatşısı.

AQŞ Wlttıq ğılım akademiyasınıñ boljauınşa, eger kömir qışqıl gazınıñ auağa şığarıluı osı deñgeyde qala berse, 2100 jılğa barğanda Jer betiniñ ortaşa temperaturası 5 gradus joğarlaydı. Sonıñ nätijesinde teñiz-mwhittardıñ su deñgeyi 62 metrden 238 metrge deyin köteriledi. Bwl degenimiz, qwrlıq jer aumağınan 1 mln 790 mıñ şarşı şaqırım aumağı su astında qalatının körsetedi. Bwl Liviyanıñ kölemindey qwrlıq jeri su astına ketkenimen birdey. 187 mln halıqtıñ mekenin su basadı. On milliondağan twrğını bar iri qalalardıñ birqatarı da bwl qauipten aman qalmaydı. Olardıñ qatarında London, N'yu-York, Şanhay sekildi iri qarjı ortalıqtarı da bar.

  “The Qazaq Times”