Resey SİM Sergey Lavrov. Foto: https://static.independent.co.uk

Uaşington Venesueladağı jağdayğa ıqpalın tigizbeui tiis. Reseydiñ sırtqı ister ministri Sergey Lavrov osılay dep mälimdedi.

Jaqında Lavrov Venesuela SİM Horhe Arreasamen Mäskeude kezdesu ötkizip, Mäskeu men Karakas baylanısın talqıladı. Lavrov mälimdemesinde: «AQŞ basqarğan kampaniya Venesuela biligin qwlatu üşin qoldan kelgenin jasap otır. Bwl kampaniya BWW bekitken jarğıdağı halıqaralıq qwqıqtıñ negizgi principterin bwzuda. Men Amerika tarapı men olarğa qoldau körsetip otırğan elderdi zañ ayasında äreket etuge şaqıramın», – dedi.

Al AQŞ-tıñ memlekettik hatşısı Mayk Pompeo, kerisinşe, Venesuela mäselesine Mäskeu aralaspauı kerek dep mälimdegen. Pompeo Venesuela dağdarısı uşıqpas üşin, elde ädil saylau ötui tiis jäne Amerika qaşan da demokratiyalıq memleketterdi qoldaytındığın ayttı. Endi eki ministr düysenbide Finlyandiyada ötetin forumda kezdespek.

Osığan deyin, yağni 11 jeltoqsanda Reseyge Venesuela prezidenti Nikolas Maduro men Qorğanıs ministrliginiñ basşısı Lopes barğan bolatın. Resey Qorğanıs ministri Sergey Şoygu sol kezde Resey äskeri aviaciyasınıñ Venesuela aerodromdarına wşu praktikası jalğasatının, al Resey VMF kemeleri osı eldiñ porttarına kiretinin mälimdegen. Sol uaqıttan beri reseylik wşaqtar Venesuela äskeri qızmetşilerimen birlesken oqu-jattığularğa qatısıp keledi.

Ötken aptada oppoziciya jetekşisi Huan Guaydo Maduronıñ biligin audarıp tastauğa äreket etken, alayda bwl äreketi sätsizdikke wşıradı. Onıñ nätijesinde, oppoziciya men qarulı küş arasında qarulı qaqtığıs orın alğan.

"The Qazaq Times"