Qazaqstanda endi laşıqta twruğa tıyım salınbaq

Qazaqstanda endi laşıqta twruğa tıyım salınbaq. Äste, qağıs estimediñiz. Qazaqstandıqtarğa laşıqta twruğa tıyım salatın jaña zañ jobasın ükimet qarauına engizu közdelude. Bwl turalı işki ister ministriniñ orınbasarı YUriy Il'in ükimettiñ kezekti baspasöz mäslihatınıñ birinde mälim etti.

Sonımen, Il'in ne ayttı deysiz ğoy. Äueli ol Qazaqstan zañı boyınşa üydiñ iesi özdiginen menşikterin halıqqa qızmet körsetu ortalığına nemese äkimdik arqılı tirkeui kerek degendi alğa tarttı. Qızıq osı jerde. Tıñdap köriñiz:

"Bilseñizder, bwrın jemqorlıq turalı mäseleler payda bolatın. Ol jer inspekciyası, säulet mäselesi, gaz, tötenşe jağdaylar ökilderinen rwqsat kerek edi. Biz olardı azaytqanbız. Endi mine, nätijesin körip otırmız. Josıqsız qwrılısşılar uaqıtşa laşıqtar soğadı, sosın olardı adamdarğa twruğa ötkizedi", - dedi ol.

Ne aytuğa boladı? Tüsinseñiz, işki ister ministriniñ orınbasarı uäji boyınşa, ol atap ötken jemqorlıq payda bolatın joldardı azaytudıñ özi  qauipti siyaqtı. Sebebi, «Endi, mine, nätijesin körip otırmız» deydi märtebeli Il'iniñiz. Al mwndağı «nätijeñiz» Astanadağı bes balanıñ ölimin meñzep twrğanı anıq. Märtebeliñiz sonda kimge ökpeli?

Ökpeli demekşi, ministrlik ökili twrğındardıñ qauipsizdik mäselesine twrğın üydi twrğızğandar da, onı jaldauğa bergender de, aynalıp kelip   twrğındardıñ özi de kinäli ekenin ayttı. YAğni, Astanadağı qayğılı oqiğağa tek qana ükimet, tek qana ministr M. Äbilqasımova kinäli emes, laşıqta twrğan ata-analardıñ özderi kinäli deytin sekildi.

Aytpaqşı, sosın, «han sarayında» otırğan Il'inderdiñ payımınşa, älbette, bärine laşıq kinäli. Söytip, aş halıqtıñ qasığına as tamızıp berudi oylamaytın ükimet endi qasığı twrıptı, laşığınan ayırudı zañğa tirep barıp toqtaytınday. Tağı da tıñdap köriñiz:

"Biz respublika boyınşa saraptama jasaymız, sosın laşıqtı paydalanuğa tıyım salu üşin zañ jobasın ükimetke wsınamız, – deydi.

Bwl da işki ister ministriniñ orınbasarı YUriy Il'inniñ sözi. Külesiz be, jılaysız ba?!

“The Qazaq Times”