Auğanstandağı terrorlıq toptar men ükimet küşteri arasındağı qaqtığıs küşeydi. Foto: NURPHOTO/BBC

Wjımdıq qauipsizdik turalı şart wyımı Ortalıq Aziyağa qauip tönip twrğanın rastadı. Atalğan wyımnıñ mälimetine qarağanda, 2018 jıldıñ qorıtındısı boyınşa ärtürli terrorlıq wyımdardıñ jäne Auğanstandağı ükimet küşteriniñ arasındağı qaqtığıstar 40 payızğa ösken. Bwl eñ aldımen Ortalıq Aziyanıñ qauipsizdigine qater töndirmek.

Wjımdıq qauipsizdik şart wyımınıñ wyımdastıru ştabınıñ jetekşisi Anatoliy Sidorov keşe ötkizgen baspasöz mäjilisinde Ortalıq Aziya, Şığıs Europa jäne Kavkaz öñiriniñ mäselelerine köbirek toqtalğan. «Orta Aziyadağı wyımğa müşe elderge bası qauip Auğanstandağı küşeye tüsken qaurlı qaqtığıstar. Eldegi tälipter men özderin «Islam memleketi» atağan terrorlıq wyımnıñ belsendiligi artıp keledi. Bwl jağday öñirdegi «Özbekstan islam qozğalısı» jäne «Şığıs Türkistan Islam qozğalısı» wyımdarı üşin qolaylı jağday jaratıp otır», – deydi Sidorov.

Biraq, Wyımdıq qauipsizdik şart wyımı AQŞ-tıñ Auğanstandağı strategiyasın sınğa alğan. Bwl wyım AQŞ-tı Auğanstandağı dağdarıstı şeşu üşin emes, kerisinşe öziniñ müddesin qorğaudı bastı orınğa qoyıp otır dep qaraydı.

Resey men AQŞ Auğanstan dağdarısın şeşu üşin äreketterdi üylestiruge küş salıp jatqanı bayqalmaydı. Auğanstan ükimetine AQŞ-tıñ ıqpalı Reseyden basım ekeni belgili. Qazir täliptermen kelisimder jürgizude. Resey de qarap jatpay, tälipterdi jäne auğandıq türli sayasi küşterdi dialogqa şaqıruda. Uaşington men Mäskeu bwl jağında mülde birlikke kelmesi anıq. Bwğan qarap, Ortalıq Aziya elderi üşin Auğanstannan tönetin qauiptiñ aldın alu mäselesin özara talqılauı, ortaq mäsele retinde şeşuge tırısqanı abzal.

“The Qazaq Times”