Foto: mycdn.me

Germaniya ükimeti ortaşa auqımdı jäne qısqa auqımdı zımırandardı joyu turalı şartqa qatıstı AQŞ-qa sayasi wsınıs bildirdi. Bwl turalı Nandelsblatt habarladı.

Germaniyanıñ Reseymen ıntımaqtastıq jönindegi komissarı Dirk Vize AQŞ-qa zımıran kelisimine qayta qol qoyu turalı wsınıs bildirdi. Bwğan deyin Germaniya Sırtqı ister ministrligi birneşe ret AQŞ pen Reseyge ortaşa auqımdı jäne qısqa auqımdı zımırandardı joyu turalı şarttan şıqpau kerektigin aytqan. Dirk Vizeniñ pikirinşe, europalıq qauipsizdikti qamtamasız etude ortaşa jäne qısqa auqımdı zımırandardı joyu turalı şarttıñ mañızı zor.

AQŞ pen Keñester odağı 1987 jılı zımıran kelisimine qol qoyğan. Kelisim boyınşa, qos tarap 300-den 3400 mil' qaşıqtaqqa deyin jerden wşırılatın ballistikalıq zımırandardı şığarmauğa uağdalasqan. Kelisimge sol kezdegi AQŞ prezidenti Ronal'd Reygan men Keñes Odağınıñ basşısı Mihail Gorbaçev qol qoyğan. Kelisim boyınşa, qos tarapqa 500 jäne 5,5 mıñ şaqırım qaşıqtıqqa wşatın ballistikalıq zımırandardı jasauğa tıyım salınğan.

Bıltır qazanda AQŞ prezidenti Donal'd Tramp Reseymen aradağı zımıran kelisiminen şığatının aytqan bolatın. Tramptıñ sözinşe, resmi Mäskeu AQŞ-pen aradağı zımıran kelisiminiñ şarttırın orındap otırğan joq.

"The Qazaq Times"