Фото: mycdn.me

Германия үкіметі орташа ауқымды және қысқа ауқымды зымырандарды жою туралы шартқа қатысты АҚШ-қа саяси ұсыныс білдірді. Бұл туралы Наndelsblatt хабарлады.

Германияның Ресеймен ынтымақтастық жөніндегі комиссары Дирк Визе АҚШ-қа зымыран келісіміне қайта қол қою туралы ұсыныс білдірді. Бұған дейін Германия Сыртқы істер министрлігі бірнеше рет АҚШ пен Ресейге орташа ауқымды және қысқа ауқымды зымырандарды жою туралы шарттан шықпау керектігін айтқан. Дирк Визенің пікірінше, еуропалық қауіпсіздікті қамтамасыз етуде орташа және қысқа ауқымды зымырандарды жою туралы шарттың маңызы зор.

АҚШ пен Кеңестер одағы 1987 жылы зымыран келісіміне қол қойған. Келісім бойынша, қос тарап 300-ден 3400 миль қашықтаққа дейін жерден ұшырылатын баллистикалық зымырандарды шығармауға уағдаласқан. Келісімге сол кездегі АҚШ президенті Рональд Рейган мен Кеңес Одағының басшысы Михаил Горбачев қол қойған. Келісім бойынша, қос тарапқа 500 және 5,5 мың шақырым қашықтыққа ұшатын баллистикалық зымырандарды жасауға тыйым салынған.

Былтыр қазанда АҚШ президенті Дональд Трамп Ресеймен арадағы зымыран келісімінен шығатынын айтқан болатын. Трамптың сөзінше, ресми Мәскеу АҚШ-пен арадағы зымыран келісімінің шарттырын орындап отырған жоқ.

"The Qazaq Times"