Putin zımıran kelisimine qatıstı mälimdeme jasadı

Resey prezidenti Vladimir Putin zımıran kelisimine qatıstı arnayı mälimdeme jasadı.

18 jeltoqsanda Putin Reseydiñ agressivti sayasatına üyrengender üşin oylantatınday deñgeyde qarulanğanın ayttı. Sonday-aq AQŞ-tıñ Resey orta jäne qısqa qaşıqtıqqa wşatın zımırandardı joyu turalı kelisimdi bwzdı degen ayıptauın joqqa şığardı. Öz sözinde ol Resey men AQŞ arasındağı qarulanudı baqılau turalı kelisim ayasında jañadan kelissözder ötkizuge äzir ekenin jäne bwl kelisimge basqa eldi qosu turalı oy bildirdi.

Bwğan deyin zımıran kelisimine qatıstı AQŞ prezidenti Donal'd Tramp: «Qazirgi uaqıtta mwnday kelisimge otırmağan özge elder äskeri zımıran jüyesin jasaqtap, qalağanınşa qoldanıp otır. Sol sebepti Amerika men Resey arasındağı ekijaqtı kelisimde eş män qalğan joq. Şart jasamağan Qıtay, Soltüstik Koreya, Iran siyaqtı basqa da memleketter oyına kelgendi istep otır. Eger bwl kelisimge Qıtay da ense, jwmıstardıñ basım böligi yadrolıq kelisimge qayşı keler edi», – degen bolatın. Al NATO Bas hatşısı Yens Stoltenberg: «Resey zımıran kelisimindegi özine jüktelgen mindetterdi orındamay otır. Al AQŞ kerisinşe, kelisim negizinde jwmıs isteude. Biraq kelisim orındalu üşin bwl jetkiliksiz. NATO jaña qarulanu jarısı bolğanın qalamaydı», – dep, Reseyge soñğı mümkindik beretinin ayttı.

AQŞ pen Resey arasındağı zımıran kelisimine 1987 jılı qol qoyılğan. Kelisim boyınşa, qos tarapqa 500 jäne 5,5 mıñ şaqırım qaşıqtıqqa wşatın ballistikalıq zımırandardı jasauğa tıyım salınğan. Mäskeu de, Uaşington da osı uaqıtqa deyin bir-birin zımıran kelisimin bwzdı dep birneşe ret ayıptağan.

"The Qazaq Times"