Oñtüstik jäne Soltüstik Koreya basşılarınıñ Panmınjomdağı kezdesui. Foto: VOA

Soltüstik Koreya basşısı Kim Joñ Un (Kim Jong Un/Kim Çen In) jıl soñına deyin Oñtüstik Koreya astanası Seulge resmi saparmen bara almauı mümkin. Mwnday mälimetti Oñtüstik Koreya prezident sarayına silteme jasay otırıp, sol eldiñ «Yonhap» aqparattıq agenttigi habarladı.

Atalğan aqparat agenttigi bügin tañerteñ Oñtüstik Koreya prezident sarayı resmi ökiliniñ sözine silteme jasap: «Kim Joñ Unnıñ jıl soñına deyin Seulge saparlay kelui öte qiın, alayda ol boluı mümkin saparğa dayındalıp jatır», – dep mälimdedi.

Esteriñizge sala keteyik, qırküyek ayında Oñtüstik jäne Soltüstik Koreya basşıları eki el şekarasındağı Panmınjomda kezdesken bolatın. Sol reti Oñtüstik Koreya prezidenti Mün Jayn Korey Halıqtıq Demokratiyalıq Respublikasınıñ eñ joğarı basşısı Kim Joñ Undı jıl soñına deyin Seulge resmi saparmen keluge şaqırğan edi. Är, Kim Joñ Un bwl wsınıstı qabıl alğan bolatın.

Habarda aytıluınşa, Soltüstik Koreya men AQŞ arasındağı yadrolıq mäselege baylanıstı kelissözdegi qiındıqtar Kim Joñ Unnıñ Seul saparın boldırmauı mümkin.

2018 jılı bastalğannan beri Korey tübegi mäselesinde betbwrıs payda boldı. Soltüstik Koreya bwrınğı qasarısqan poziciyasın jwmsartıp, kelissöz üsteline kele alatının bayqattı. Soltüstik pen Oñtüstik Koreya arasında jäne Soltüstik Koreya men AQŞ arasında dialog ornatıp, Qıtay basşısımen de birneşe märte kezdesu ötkizdi. Tipti, AQŞ prezidenti Tramp pen Kim Joñ Un arasında tarihi kezdesu ötip, Soltüstik Koreya yadrolıq qarudan bas tartatının da bildirgen edi.

Alayda, taraptar arasında joğarı deñgeydegi kezdesuler men dialogtardıñ ötkizilgenine qaramastan atalğan process jwrt kütkendey jıldam bolmadı. Bwğan köpjaqtı sebepterdi aytuğa boladı. Aytalıq, AQŞ pen Soltüstik Koreya arasındağı tüsinistik pen senimniñ äli de jetersiz ekenin, taraptardıñ bir-birine degen sayasatı kelissözderdiñ jüzege asuına qiındıqtar tudırıp otırğanın añğarttı.

“The Qazaq Times”