NATO äskeri oqu-jattığuına tartılğan äue küşteri. Foto: VOA.

25 qazan NATO «Qırği qabaq soğısınan» bergi eñ kölemdi oqu-jattığuın bastadı. Oğan NATO müşeleri jäne odaqtastarı bolıp 31 el qatısqan. Norvegiya jäne oğan jaqın aymaqtarda ötkiziletin jattığuda 50 mıñ jauınger, 65 keme, 250 wşaq jäne 10 mıñ äskeri kölik tartılğan.

NATO qolbasşılıq Bas ştabınıñ komandiri Pitek jasağan mälimdemesinde: «Kezekti äskeri oqu-jattığuınıñ neden habar beretini anıq. Biz barlıq jağdaylarğa dayınbız, NATO ülken äleuetti jäne äli aşılmağan kömeski qabiletke ie wyım. Eşkimniñ de NATO-nıñ qitığına tiyuge batılı barmaydı», – degen.

NATO mälimdemesinde, kezekti oqu-jattığudıñ eşqanday da qır körsetu nemese soğıs aşuğa wrınu emes ekenin eskertken. Sonımen birge öziniñ irgeles qarsılası Reseydi de jattığuğa baqılauşı retinde şaqırğan. Mälimette auqımdı äskeri jattığudıñ 7 künge jalğasatını belgili boldı.

NATO qwramındağı keybir elder Reseydi öz territoriyasına qauip töndirui mümkin dep alañdaydı. Sonday-aq, Batıs elderi men Resey arasındağı Qırım mäselesi de kezekti oqu-jattığuğa baylanıstı şielenise tüsui de mümkin.

AQŞ prezidenti Donal'd Tramp bir sözinde: «NATO Qwrama Ştattarğa qarağanda Europa elderine köbirek paydalı», – degen bolatın.  Sonday-aq, Tramp prezident bolğannan keyin NATO-ğa bölinetin qarjını barlıq elderge teñdey bölu kerek degen talabın da qoyğan. Äri, AQŞ-tıñ NATO-ğa böletin qarjısınıñ kölemin azaytatının eskertken edi.

“The Qazaq Times”