25 قازان ناتو «قىرعي قاباق سوعىسىنان» بەرگى ەڭ كولەمدى وقۋ-جاتتىعۋىن باستادى. وعان ناتو مۇشەلەرى جانە وداقتاستارى بولىپ 31 ەل قاتىسقان. نورۆەگيا جانە وعان جاقىن ايماقتاردا وتكىزىلەتىن جاتتىعۋدا 50 مىڭ جاۋىنگەر، 65 كەمە، 250 ۇشاق جانە 10 مىڭ اسكەري كولىك تارتىلعان.

ناتو قولباسشىلىق باس شتابىنىڭ كومانديرى پيتەك جاساعان مالىمدەمەسىندە: «كەزەكتى اسكەري وقۋ-جاتتىعۋىنىڭ نەدەن حابار بەرەتىنى انىق. ءبىز بارلىق جاعدايلارعا دايىنبىز، ناتو ۇلكەن الەۋەتتى جانە ءالى اشىلماعان كومەسكى قابىلەتكە يە ۇيىم. ەشكىمنىڭ دە ناتو-نىڭ قيتىعىنا تيۋگە باتىلى بارمايدى»، – دەگەن.

ناتو مالىمدەمەسىندە، كەزەكتى وقۋ-جاتتىعۋدىڭ ەشقانداي دا قىر كورسەتۋ نەمەسە سوعىس اشۋعا ۇرىنۋ ەمەس ەكەنىن ەسكەرتكەن. سونىمەن بىرگە ءوزىنىڭ ىرگەلەس قارسىلاسى رەسەيدى دە جاتتىعۋعا باقىلاۋشى رەتىندە شاقىرعان. مالىمەتتە اۋقىمدى اسكەري جاتتىعۋدىڭ 7 كۇنگە جالعاساتىنى بەلگىلى بولدى.

ناتو قۇرامىنداعى كەيبىر ەلدەر رەسەيدى ءوز تەرريتورياسىنا قاۋىپ ءتوندىرۋى مۇمكىن دەپ الاڭدايدى. سونداي-اق، باتىس ەلدەرى مەن رەسەي اراسىنداعى قىرىم ماسەلەسى دە كەزەكتى وقۋ-جاتتىعۋعا بايلانىستى شيەلەنىسە ءتۇسۋى دە مۇمكىن.

اقش پرەزيدەنتى دونالد ترامپ ءبىر سوزىندە: «ناتو قۇراما شتاتتارعا قاراعاندا ەۋروپا ەلدەرىنە كوبىرەك پايدالى»، – دەگەن بولاتىن.  سونداي-اق، ترامپ پرەزيدەنت بولعاننان كەيىن ناتو-عا بولىنەتىن قارجىنى بارلىق ەلدەرگە تەڭدەي ءبولۋ كەرەك دەگەن تالابىن دا قويعان. ءارى، اقش-تىڭ ناتو-عا بولەتىن قارجىسىنىڭ كولەمىن ازايتاتىنىن ەسكەرتكەن ەدى.

“The Qazaq Times”