Foto: eadaily.com

AQŞ Qıtaydan şığarılatın tauarlarğa salınatın on payızdıq salıqtı küşine engizdi. Ol 200 mlrd dollar qwraydı. Al, Qıtay da öz kezeginde Amerikağa qarsı jalpı kölemi 60 mlrd. dollarlıq salıq saldı, - dep habarlaydı fr.euronews.com.

Sonımen, AQŞ-tıñ Qıtayğa qarsı sauda soğısınıñ jaña kezeñi bastaldı. «Eadaily.com» saytı qıtaylıq aqparat közderine silteme jasap, QHR-da kedendik salıqtardıñ engizilu mäselesine qatıstı biliktiñ wstanımı jariyalanğanın habarlaydı. Onda, Aq üy tarapınan Qıtayğa jasalğan osı jaña sauda soğısı erkin sauda jüyesine qauip töndiruşi faktor dep atalıp, amerikalıqtarmen ötkiziledi dep kütilgen kelissözderdiñ bäri joqqa şığarılğanı aytılğan. Osı salıqtıñ kesirinen Qıtaydıñ JİÖ bir payızğa tömendeydi dep esepteydi sarapşılar. Al, Qıtay biligi onı — 0,7 payız dep boljauda. Alayda, tağı da sarapşılardıñ pikirine süyensek, bwl salıqtar Beyjiñ üşin oñayğa soqpaydı. Sebebi, AQŞ tarapınan engizilgen salıqtar qıtaylıq eksporttıñ jartısına juığın qamtidı: yağni, elektronika tauarlarınan bastaptwrmıstıq himiyalarğa deyin, sonday-aq, jihazdan bastap balıqqa deyin salınğan. Sonımen qatar, köpşilikke belgili eki derjava da osığan deyin 50 mlrd dollar kölemindegi tauarlarğa ekijaqtı salıq engizgen bolatın. Sol kezde AQŞ Qıtayğa salıqtardıñ 267 mlrd dollarlıq tauarlarğa da taraluı mümkin ekenin eskertken edi.

“The Qazaq Times”