Foto: worldbulletin.net

Osıdan birneşe kün bwrın älemdik ğarış salasınıñ zertteuşileri men Qıtay ğarış salasınınıñ mamandarı 2011 jılı qırküyek ayında orbitağa wşırılğan  "Tiangong-1" attı ğarış kemesiniñ 30 naurız ben 3 säuir aralığında jerge qwlaytının habarlağanı turalı jazğanbız. Endi, qıtaylıq "Şin'hua" aqparat agenttigi taratqan habarğa qarağanda, atalğan ğarış kemesiniñ bügin sağat 00:15-te (Astana uaqıtımen) jerge "qaytqandığı" jäne onıñ auqımdı bölşeginiñ jerdiñ atmosfera qabatına öter-ötpes örtenip, al qalğan bölşeginiñ Tınıq mwhitınıñ oñtüstigine qwlağanı belgili boldı.

"Tiangong-1"-ğarış kemesi jerge Qıtay Ğarıştıq injenerlik byurosı (CMSEO) jasağan boljamğa säykes, düysenbi tañ aldında "oraluı" tiis edi.  Wzındığı 10 metr, salmağı 8 tonna bolatın "Tiangong-1" bwğan deyingi ğarış kemelerinen äldeqayda ülken eken.  Osıdan eki jıl bwrın, yağni 2016 jılı Beyjiñ biligi atalğan ğarış kemesinen köz jazıp qalğanın aytıp, bwl turalı BWW-na habar bergen edi. Mamandar onıñ jerge qaray bağıt alğanın da jasırmadı. Al "Amerikalıq ğarıştıq baqılau jelisi" asa qattı jıldamdıqpen jer betine qaray qwldilay bastağan "Tiangong-1"-diñ 43 soltüstik jäne 43 oñtüstik endik arasındağı aymaqqa qwlauı mümkin ekendigin aytıp, resmi mälimdeme jasağan bolatın. Osı boljamğa qattı alañdağan birqatar el twrğındarı, endi qauipten qwtıldı.

“The Qazaq Times”