Kiimdi özi keptirip, ütiktep, retteytin ğajayıp-maşina oylap tabıldı

Ömirimizdi jeñildetetin  gadjetter oylap tauıp jatqan kompaniyalar kün sanap tañ qaldıruda. Dese de, biz söz etkeli otırğan maşinanı körgen kezdegi tañ qalısımızdı  sözben aytıp jetkizu mümkin emes. Bwdan bılay adam balası kiim-keşekterin ütiktep, büktemeydi. Endi, onı FoldiMate jasaydı.

Bwl inovaciyalıq  önertabıstı San-Franciskodağı Izraildik talanttı injenerler – Gal' Rozov, Omer Eynav jäne Ichak Orbah oylap tapqan.

Bwl ğajayıp-maşina ne isteydi? Öte oñay: ol kiimderiñizdi keptiredi, ütikteydi jäne ret-retimen büktep beredi. Ol üşin 10-15 kiimiñizdi FoldiMate-ke qoysañız bolğanı. Şamamen 1 minut uaqıt köleminde köz aldıñızda sol zattarıñız minsiz (ütiktelgen, büktelgen) qalpında twradı.

Atalmış önertabıstıñ alğaşqı twtınuşıları bolmaq nietpen birneşe adam tapsırıs ta bergen. Olarğa bwl tauar jıl basında jetkiziledi. Bwnday qwraldı satıp alu üşin qaltañızdan 700-800 AQŞ dollar qarajat ketedi. Biraq bwl tiimdi investiciya, öytkeni qoldıñ küşin jäne uaqıtıñızdı ünemdeysiz.

FoldiMate qalay jwmıs isteydi? Barlığı konveyerlik lentalar men birneşe robottalğan manipulyatorlar arqılı. Sizdiñ kiimderiñiz ıstıq parğa salınadı jäne arnayı «robo-qoldarmen» bükteletin boladı. Sonımen qatar, kiimderiñizge jwpar iis beru üşin, arnayı kapsulalardı alıp qoyuyayıñızğa da boladı.

Al mınau video ğajayıp-maşinkanıñ qalay jwmıs isteytinin ayşıqtap körsetedi.

Gülim Rısqwl

"The  Qazaq Times"