Mäskeu men Uaşingtonnıñ tağatsızdana kütken küni keldi

Mäskeu men Uaşingtonnıñ tağatsızdana kütken küni keldi. Bügin Gamburgte ötetin  G20 sammiti ayasında AQŞ Prezidenti Donal'd Tramp Resey Prezidenti Vladimir Putinmen kezdesedi.

Ekijaqtı kelissözder jürgizu mümkindigi turalı wzaq talqılaulardan soñ, AQŞ Prezidentiniñ qızmetine kiriskeli ondağan eldiñ basşısımen swhbat qwrıp ülgergen Donal'd Tramp Resey Prezidentimen arağa jartı jıl salıp, alğaş ret jeke kezdeskeli otır.

Mäskeu men Uaşingtonda eki el arasındağı osınday salqın qarım-qatınas «qırği-qabaq soğıs» kezinen beri alğaş ret ornap otır dep esepteydi. Sondıqtan bwl kezdesuden eki eldiñ de küteri köp.

Kezdesu barısında Reseydiñ AQŞ-tağı diplomatiyalıq ielikterine salınğan sankciyalar jöninde mäsele köterilui mümkin. Ötken jıldıñ jeltoqsan ayında Barak Obamanıñ äkimşiligi Reseydiñ N'yu-Yorktegi twraqtı ökildiginiñ eki twrğın üy keşenin jauıp tastağan bolatın. Eks-prezident bwl şeşimin Reseydiñ AQŞ-tağı saylauğa äser etuge astırtın äreket wyımdastırğanı jäne  Mäskeudegi amerikandıq diplomattarğa körsetip otırğan qısımına jauap dep tüsindirgen edi. Reseydiñ el prezidenti saylauına aralastı degen ayıptauına naqtı dälelder keltirilgen joq. Al Resey qarsı sankciyalar engizbesten, jaña Prezidenttiñ jauabın kütti. Degenmen qızmetine kiriskenine jartı jılğa juıq uaqıt bolsa da, Donal'd Tramp Reseydiñ diplomatiyalıq ielikteri turalı jaq aşpadı. Bügin AQŞ Prezidentiniñ osı mäselege qatıstı oyı belgili boladı.

Kezdesudiñ qanday formatta ötetindigi äli belgisiz, biraq bwl tolıqqandı wzaq swhbat emes, şağın äri uaqıt jöninen şektelgen äñgime boladı dep kütilude. Jalpı, soñğı kezderi Resey men AQŞ arasındağı kezdesulerdiñ legi osınday. Mäselen, 2015 jılı Antal'yada ötken G20 otırısında eki el prezidentteri 20 minutqa sozılğan äñgime qwrsa, 2016 jılı Perude ötken Aziya-Tınıq mwhit ekonomikalıq äriptestiginiñ sammitinde Barak Obama men Vladimir Putin birer minutqa däliz boyında söz almasqan.

“The Qazaq Times”