بۇگىننىڭ ەڭ باستى تاقىرىبى – اقش پرەزيدەنتى ترامپ پەن ايەلى مەلانيا ەكەۋنىڭ كوروناۆيرۋس جۇقتىرعانى تۋرالى اقپارات. بۇل الەمدىك دەڭگەيدە قىزۋ تالقىعا اينالدى. وندا تەز ساۋىعۋىن تىلەپ جاتقاندارمەن قاتار، اق ءۇي باسشىسىنىڭ پاندەمياعا بەيجاي قاراۋىنا بايلانىستى پىكىرلەر دە ايتىلدى.
74 جاستاعى اقش پەزيدەنتى ترامپ پەن ءبىرىنشى حانىم مەلانيانىڭ COVID-19 پتر تەستىن تاپسىرىپ، ناتيجەسىندە كوروناۆيرۋس جۇقتىرعانى انىقتىلدى. بۇل تۋرالى اق ءۇي باسشىسى ءوزىنىڭ Twitter جەلىسىندە حابارلاعان.
ەۋروپالىق كەڭەس توراعاسى ميشەل ءوزىنىڭ تۆيتتەرىندە: «COVID-19 بۇل بارىمىزگە ورتاق جاۋ، قارسى كۇرەستى جالعاستىرامىز»، – دەي كەلىپ، ەرلى-زايىپتى ترامپتارعا تەزىرەك ساۋىعىپ كەتۋگە تىلەكتەستىگىن ءبىلدىردى.
فرانتسيا ۇكىمەتىنىڭ وكىلى ۆيرۋس ەشكىمدى ايامايتىنىن ايتىپ، «ونىڭ (ترامپ) تەز ساۋىعىپ كەتۋىن تىلەيمىن»، – دەدى گابريەل اتتال.
كەلەسى ايدا اقش-تا پرەزيدەنتتىك سايلاۋ وتەدى، الايدا باستى ۇمىتكەر ترامپ كوروناۆيرۋس جۇقتىرىپ الدى. الداعى ساياسي جاعدايدىڭ قالاي بولارى ساياساتكەرلەر مەن ۇكىمەت باسشىلارىن قىزىقتىرادى.
سوڭعى جاڭالىقتار اقش-تاعى پاندەميا جاعدايىنىڭ اۋىرلاي تۇسكەنىن كورسەتەدى. حالىقارالىق ساراپشىلاردىڭ پىكىرىنشە، ترامپ پەن اق ءۇيدىڭ يميدجىنە تەرىس جاعىنان ىقپال ەتىپ قانا قويماي، پرەزيدەنتتىك سايلاۋدا قايتا سايلانۋىنا كەرى اسەرىن تيگىزۋى مۇمكىن.
بىرنەشە كۇن بۇرىن تەلەدەبات كەزىندە بايدەن ترامپتىڭ ەلدەگى داعدارىسپەن كۇرەسىن سىنعا العان.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى