ساۋد ارابياسىنىڭ كورولى سالمان بەن ابدەل ازيز ال ساۋدتىڭ توراعالىعىمەن «ۇلكەن جيىرمالىق» توبىنىڭ ءسامميتى 21-22 قاراشا ارالىعىندا ونلاين فورماتتا وتەدى.

G20 سايتىندا جاريالانعان رەسمي حابارلامادا: «الداعى G20 ءسامميتى ادامداردىڭ ءومىرىن قورعاۋعا جانە ەكونوميكالىق ءوسۋدى قالپىنا كەلتىرۋگە باعىتتالعان. پاندەميا كەزىندەگى داعدارىستى ەڭسەرۋگە باعىتتالعان بىرقاتار جوبالار بار. سامميتكە قاتىساتىن مەملەكەتتەر بىرلەسە وتىرىپ ارەكەت ەتەدى دەگەن سەنىمدەمىز»، – دەلىنگەن.

قاراشادا وتەتىن جيىننىڭ باستى تاقىرىپتارىندا، G20-عا مۇشە ەلدەردىڭ ىنتىماقتاستىعىن دامىتۋ، عالامدىق ەكونوميكالىق ماسەلەلەرگە ورتاق شەشىم قاراستىرۋ جانە ەكونوميكالىق دامۋدى قامتاماسىز ەتەتىن شارالاردى تابۋ قاتارلى نەگىزگى ماقساتتارى تۇر. بۇدان تىس سامميتتە قورشاعان ورتا، جىلۋدان لاستانۋ، كليمات وزگەرىستەرى، ميگراتسيا، ەنەرگەتيكا جانە پاندەميا داعدارىسىنىڭ الدىن الۋ قاتارلى قوسىمشا تاقىرىپتارى بار.

بيىل كوروناۆيرۋسقا قارسى ۆاكتسينانى ءوندىرىپ، تاراتۋعا جانە حالىقتىڭ ەمدەلۋگە قولجەتىمدىلىگىن قامتاماسىز ەتۋگە جۇمسالعان 21 ميلليارد دوللاردان باسقا، «ۇلكەن جيىرمالىق» ەلدەرى الەمدىك ەكونوميكانى قولداۋعا 11 ترلن دوللار بولگەن.

"The Qazaq Times"