Google قىتايمەن بايلانىسى بار 2500-دەن استام YouTube كانالدى وشىرگەنىن مالىمدەدى، بۇل پلاتفورماداعى جالعان اقپاراتتى تازارتۋ ءۇشىن جاسالعان.

Google بۇل كانالداردى وسى جىلدىڭ ساۋىرىنەن ماۋسىمىنا دەيىنگى ارالىقتا جپبىلعانىن جانە قىتايمەن بايلانىستى ىقپال ەتۋ ارەكەتتەرىن ۇنەمى باقىلاپ وتىرعانىن ايتتى.

مۇنى Google اقپاراتتىق-كوممۋنيكاتسيالىق وپەراتسيالار تۋرالى توقسان سايىنعى مالىمدەمەسىندە جاريالادى.وتىرعانىن. وسى كانالدار ساياساتقا قاتىسسىز ماتەريالدار جاريا ەتكەندەي كورىنەدى، الايدا ساياساتقا تەرەڭ اسەر ەتەدى دەپ قارايدى.

الايدا، Google اتالعان كانالداردىڭ اتىن جاريالامادى جانە باسقا مالىمەتتەردى دە ۇسىنبادى، بۇل شەكتەلگەن بەينەلەر مەن Twitter-دە شەكتەلگەن جازبالار ءساۋىر ايىندا Graphika الەۋمەتتىك مەديا-اناليتيكالىق كومپانياسىمەن جۇرگىزىلگەن دەزينفورماتسيا ارەكەتتەرمەن بايلانىستىردى.

ال بەيجىڭ تارابى جالعان اقپارات تاراتۋ تۋرالى ايىپتاۋلاردى جوققا شىعارىپ وتىر.

شەت ەلدەردەن جاريالانعان جالعان اقپارات اقش-تىڭ ساياسي جانە تەحنولوگيالىق ورتالارىندا اسەرى ۇلكەن. اقش-تاعى 2016 جىلعى پرەزيدەنت سايلاۋى كەزىندە رەسەي ۇكىمەتىنىڭ حاككەرلەرى الەۋمەتتىك جەلىلەرگە كوپتەگەن جالعان اقپارات ەنگىزگەن بولاتىن. كوپتەگەن ادامدار بيىلعى سايلاۋدان الاڭداۋدا، سول سەبەپتى Google مەن Facebook وسىنداي جاعدايلاردى بولدىرماۋعا تىرىسادى.

سونىمەن بىرگە، اقش پەن قىتاي اراسىنداعى تەحنولوگيا مەن الەۋمەتتىك شيەلەنىس ءالى دە كۇشەيە تۇسۋدە. 5 تامىزدا اقش مەملەكەتتىك حاتشىسى پومپەو اقش-قا قىتاي ۇكىمەتىنىڭ ىقپالىن كۇشەيتپەس ءۇشىن اقش-تىڭ «تازا الەۋمەتتىك جەلى» باستاماسىن كەڭەيتەتىنىن مالىمدەدى.

Google-دىڭ مالىمدەمەسىندە يران مەن رەسەي ەلدەرىنە باعىتتالعان شارالاردا ءسوز بولدى.

"The Qazaq Times"