ەۋرووداق بىرىككەن كورولدىكپەن ەكونوميكالىق بايلانىس تۋرالى كەلىسسوزدەر مەرزىمىن ۇزارتاتىن بولدى. بۇل تۋرالى ەۋروپالىق كوميسسيانىڭ پرەزيدەنتى ۋرسۋلا فون دەر لەيەن Deutschlandfunk راديوستانتسياسىنا سۇحباتىندا ايتتى.
«ءبىز كەلىسسوزدەرگە دايىنبىز، بىراق بوريس دجونسوننىڭ ۇكىمەتى ناقتى شەشىم قابىلداۋى كەرەك. سوندا عانا بريتاندىقتار ورتاق نارىقتىڭ ءبىر بولىگى رەتىندە قالا الادى. ءبىز كەلىسسوزدەرگە دايىنبىز،»، — دەدى فون دەر لايەن.
تاراپتاردىڭ كەلىسسوز مەرزىمىن كەيىنگە شەگەرۋىنە كوروناۆيرۋس پاندەمياسىنىڭ ءورشۋى سەبەپ. بۇعان دەيىن ەۋروپالىق وداق پەن بريتانيانىڭ Brexit بويىنشا نەگىزگى كەلىسسوز جۇرگىزۋشىسى ميشەل بارنەدەن كوروناۆيرۋس انىقتالعان بولاتىن. رەسمي لوندون COVID-19 دەرتىن 12 اپتانىڭ ىشىندە جەڭىپ شىعامىز دەپ وتىر.
ۇلىبريتانيا ءۇش جىلعا سوزىلعان كەلىسسوزدەردەن كەيىن 2020 جىلدىڭ 1 اقپانىندا ەو قۇرامىنان شىقتى. بريۋسسەل مەن لوندون وسى جىلدىڭ سوڭىنا دەيىن وتپەلى كەزەڭ تۋرالى ۋاعدالاستىققا قول قويدى. ياعني بەلگىلى ءبىر ۋاقىت كولەمىندە بارلىق ەۋروپالىق ستاندارتتار بىرىككەن كورولدىككە قولدانىلادى. وسى ۋاقىت ىشىندە تاراپتار الداعى ۋاقىتتا جۇزەگە اساتىن شارالار مەن بىرلەسكەن جوبالاردى بەكىتۋى ءتيىس.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى