بەللا ورىنبەتوۆا: رۇقسات ەتىلگەن ميتينگتە ازاماتتىق قوعامنىڭ قولداۋىنا مۇقتاجبىز

Respublika قوزعالىسىنىڭ 9 قاراشادا ەلوردادا ميتينگ وتكىزۋ تۋرالى ءوتىنىشىن استانالىق اكىمدىك  ماقۇلداعانى بەلگىلى بولدى. ازاماتتىق قوعام بەلسەندىلەرىنەن قۇرىلعان قوزعالىس الداعى ۋاقىتتا پارتيا رەتىندە تىركەۋدەن وتۋگە ءۇمىتتى. وسىعان وراي الدىڭعى وتىنىمدە رۇقسات الا الماعان Respublika-لىق بەللا ورىنبەتوۆامەن حابارلاسىپ، «جىلىمىق» كەزەڭىنىڭ جاي-جاپسارى جايىندا سۇحباتتاسىپ كوردىك.

الەۋمەتتىك جەلىلەردەگى قوزعالىستىڭ پاراقشالارىندا مىناداي قۇجات جاريالاندى:

«قالا اكىمدىگىنىڭ 2019 جىلعى 4 قاراشاداعى №506-1441 قاۋلىسىنا سايكەس سىزگە جەرۇيىق ساياباعىنىڭ سولتۇستىك-باتىسىنداعى الاڭدا 2019 جىلعى 9 قاراشا كۇنى ساعات 14:00-دەن 16:00-گە دەيىنگى ارالىقتا بەيبىت ميتينگ وتكىزۋگە رۇقسات بەرىلدى»

استانا اكىمدىگىنىڭ Respubliكا قوزعالىسىنا بەيبىت ميتينگ وتكىزۋگە رۇقسات بەرگەنىن ايعاقتايتىن رەسمي قۇجات. فوتو: Respubliكا پاراقشاسىنان

قوزعالىس وكىلدەرىنىڭ تۇسىنۋىنشە, «وپپوزيتسيالىق قوزعالىسقا كەنەت ميتينگ وتكىزۋگە رۇقسات بەرۋىنىڭ ەكى سەبەبى بولۋى مۇمكىن:
1) قوزعالىستى بارىنشا مەملەكەت جوباسى رەتىندە كورسەتۋ;
2) ميتينگ كەزىندە بۇلىك شىعارىپ، قوزعالىسىمىزدىڭ بەلسەندى مۇشەسى بەللا ورىنبەتوۆانى ۇيىمداستىرۋشى رەتىندە جاۋاپكەرشىلىككە تارتۋ». ءبىر قىزىعى، اكىمدىك ەسكەرتپە رەتىندە قوعام تىنىشتىعى، وتەتىن ورىننىڭ تازالىعى، بۇقارالىق ءتارتىپتىڭ ساقتالۋى جايىندا ەمەس، بىرىڭعاي ەكسترەميزم "قاۋپى" تۋرالى جازىلعان. كەيبىر ساراپشىلار مۇنى ء"بىزدىڭ ەلدە ەكسترەميستىك ۇيىم رەتىندە تانىلعان قدت قوزعالىسىنان جۇرەگى شايلىعىپ قالعان بيلىكتىڭ ساقتىق شاراسى" دەگەن مەڭزەۋمەن تۇسىندىرەدى.

وسىعان دەيىن قازان اينىڭ سوڭىندا Oyan Qazaqstan مەن Respublika قوعامدىق قوزعالىستارى 9 قاراشادا پارلامەنتتىك رەسپۋبليكانى تالاپ ەتەتىن ميتينگ وتكىزەتىنى تۋرالى حابارلاعان بولاتىن.

Respublika قوزعالىسىنىڭ بەلسەندى مۇشەسى بەللا ورىنبەتوۆا. فوتو: كەيىپكەردىڭ facebook پاراقشاسىنان

Respublika قوزعالىسىنىڭ بەلسەندى مۇشەسى، جۋرناليست بەللا ورىنبەتوۆا ءبۇي دەيدى

– استانالىق اكىمدىك نەلىكتەن رۇقسات بەردى دەپ ويلايسىز؟

قازىرگى جاعدايدا بيلىككە «جىلىمىق» كورىنىسىن جاساۋ ۇتىمدى. پوليتسيا بولىمشەسىنە شاقىرعاندا رۇقسات بەرىلسە دە، بەرىلمەسە دە شىعاتىنىمدى مالىمدەگەن ەدىم. ميتينگ كەزىندە ۇستالۋىمىز بيلىككە ابىروي بەرمەيتىنىن تۇسىنگەن بولۋى كەرەك. سونىمەن قوسا Respublika قوزعالىسىن جوبا رەتىندە كورسەتۋدىڭ امالى دەگەن دە وي بار. قالاي بولعاندا دا ءبىزدىڭ وتكىزەتىن ميتينگىمىز حايپ نەمەسە پيار ءۇشىن ەمەس, قارسىلىعىمىزدى ءبىلدىرۋ، تالاپتارىمىزدى جەتكىزۋ، مۇددەلەستەردى جيناۋ. سوندىقتان ميتينگتى ۇيىمداستىرۋدان باس تارتپايمىز.

– ال الماتىداعى جيىن شە؟ اسەم جاپيشەۆا وتكەندە بەرگەن سۇحباتىندا اكىمدىككە ەشقانداي ءوتىنىش جولداماعانىن ايتقان ەدى. الماتىداعى شەرۋ قالاي وتپەك سوندا؟

الماتىداعى جيىن «ويان، قازاقستان» قوزعالىسىنىڭ ۇيىمداستىرۋىمەن وتەدى. كونستيتۋتسيانىڭ 32-بابىن، حالىقارالىق كەلىسىمدەردى باسشىلىققا الا وتىرىپ ول ميتينگكە رۇقسات الۋدىڭ قاجەتى جوق دەپ سانادى. وياندىقتاردىڭ پوزيتسياسىن تۇسىنەمىز جانە قولدايمىز.

– شەرۋگە قاتىسۋشىلارعا ايتار جادناما، نۇسقاۋلىق رەتىندە قانداي كەڭەس بەرگەن بولار ەدىڭىز؟

بىزدە ۇزاق ۋاقىت بويى حالىق ميتينگكە دايىن ەمەس، ميتينگ مادەنيەتى قالىپتاسپاعان دەگەن جەلەۋمەن رۇقسات بەرمەي ءجۇردى. ارينە 29 جىلدا قىسپاققا الىپ، تسەنزۋرامەن بۇعاتتاپ تاستاعان ەلدە ميتينگكە ۇركە قارايتىندار بار. بىراق تۇپتەپ كەلگەندە ميتينگ ازاماتتاردىڭ كونستيتۋتسيالىق قۇقىعى, ءوز تالاپتارىن بىرلەسىپ جەتكىزۋدىڭ ۇتىمدى جولى. ساياسي وزگەرىستەرگە قاتىستى كۇش بىرىكتىرۋ، باس قوسۋ امالى. سوندىقتان ميتينگ قىلمىس ەمەس. ارنايى جادناما شىعارۋدىڭ دا قاجەتىن كورىپ تۇرعانىم جوق. حالىقتى جابايى، قىلمىسكەر كورۋگە بولمايدى. سايلاۋدان بەرى قانشا ادام كوشەگە شىقتى. حالىق تاراپىنان ءبىر ادامعا، مۇلىككە زيانى بولعان جوق. سوندىقتان كەڭەسىم، ءوز قۇقىمىزدى پايدالانايىق، ءۇنىمىزدى شىعارىپ، جەتكىزەيىك. الەۋمەتتىك جەلىدەگى سوزدەن شىنايى ومىردەگى ىسكە كوشەتىن كەز كەلدى.

– سانكتسيالانعان ميتينگتەن نە كۇتەسىز؟

بۇل ميتينگتە پروۆوكاتسيالاردان قورقاتىنىم راس. بىراق حالىق تاراپىنان ەمەس، بيلىك تاراپىنان. ادامدى جازاعا تارتۋدىڭ ءتۇرلى قيتۇرقى ارەكەتتەرىن قالاي قولدانىپ جۇرگەنىن كورىپ ءجۇرمىز. سوندىقتان ءوز ارامىزدا حالىقتى بۇزاقىلاردان ەمەس، وسىنداي «رەسمي» پروۆوكاتورلاردان قورعاۋ جاساعىن قالىپتاستىرامىز. سوندىقتان ميتينگتە ازاماتتىق قوعام تاراپىنان قولداۋعا مۇقتاجبىز.

– جاقسى، پىكىر بىلدىرگەنىڭىزگە راحمەت. الداعى جيىن «رەسمي پسەۆدو-ارانداتۋشىلارسىز» ساتىمەن ءوتسىن.

Respublika  جانە Oyan, Qazaqstan قوعامدىق-ازاماتتىق ۇيىمدارىنىڭ تالاپتارى:⠀

1. بارلىق ازاماتتىڭ نەگىزگى قۇقىقتارى مەن بوستاندىقتارىنىڭ ساقتالۋى;
2. پارلامەنتتىك رەسپۋبليكا جۇيەسىنە كوشۋ;
3. شىن مانىندەگى جەرگىلىكتى ءوزىن ءوزى باسقارۋ جۇيەسى;
4. سايلاۋ جۇيەسىنىڭ رەفورماسى;
5. سوت بيلىگىنىڭ تاۋەلسىزدىگى مەن زاڭ ۇستەمدىگى;
6. پوليتسيانىڭ پارلامەنتكە ەسەپ بەرىپ، قوعام مۇددەسىنە قىزمەت ەتۋى;
7. بيلىك تارماقتارى اراسىنداعى وكىلەتتىكتەردىڭ دەربەستىگى.

"The Qazaq Times"