قارا التىن باعاسى الەمدىك بيرجادا كۇن ساناپ وزگەرىپ جاتىر. وسى اپتادا لوندون مەن نيۋ-يوركتىڭ شيكىزات بيرجالارىندا جۇما كۇنگى ساۋدا-ساتتىق قورىتىندىسى بويىنشا مۇناي باعاسى كوتەرىلدى.
مالىمەتتەر بويىنشا، نيۋ-يورك تاۋار بيرجاسىندا (NYMEX) تامىز ايىندا جەتكىزىلەتىن WTI ماركالى مۇناي قۇنى 0,33 دوللارعا كوتەرىلىپ، ءبىر باررەلى 55,63 دوللار بولعان. لوندونداعى ICE Futures بيرجاسىندا قىركۇيەك ايىندا جەتكىزىلەتىن Brent ماركالى مۇنايدىڭ باعاسى 0,06 دوللارعا قىمباتتاپ، 62,65 دوللارعا جەتكەن.
ماۋسىمدا لوندون مەن نيۋ-يوركتىڭ شيكىزات بيرجالارىندا وسى اپتاداعى ساۋدا-ساتتىق قورىتىندىسى بويىنشا مۇناي باعاسى ءارتۇرلى باعىتتا وزگەرگەن بولاتىن. مالىمەتتەر بويىنشا، نيۋ-يورك تاۋار بيرجاسىندا (NYMEX) تامىزدا جەتكىزىلەتىن WTI ماركالى مۇناي قۇنى 0,07 دوللارعا كوتەرىلىپ، ءبىر باررەلى 57,83 دوللارعا جەتكەن. ال لوندونداعى ICE Futures بيرجاسىندا تامىزدا جەتكىزىلەتىن Brent ماركالى مۇنايدىڭ باعاسى 1,06 دوللارعا قىمباتتاپ، باررەلى 65,84 دوللار بولعان.
2017 جىلى قازاقستان مۇنايىنىڭ ورتاشا باعاسى تونناسىنا 44 مىڭ تەڭگەگە جەتىپ، 13,6%-عا ارتقان بولاتىن. وسىلايشا، جىل سايىن وتاندىق قارا التىن باعاسى قىمباتتاپ كەلەدى. قازاقستان ەكونوميكاسى مۇناي نارىعىنا تاۋەلدى بولعاندىقتان، شيكىزات باعاسىنىڭ ارزانداپ نەمەسە قىمباتتاۋى ماڭىزدى. سەبەبى قازاقستان ەكونوميكانى قۋاتتاندىراتىن بۇدان باسقا سالاعا بەت بۇرا الماي وتىر.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى