قىتايداعى اتالمىش ء"انشى" تەلەجوباسىنىڭ جەتىنشى كەزەڭىندە، ديماش قازاق انىمەن قىتاي ساحناسىن جاندىردى. ول ءوزىنىڭ رەپەرتۋارىنداعى "دايديداۋ" ءانىن ورىنداپ قىتايلىق كورەرمەندى تامساندىردى.

ديماشتىڭ بۇل رەتكى ءانىن سۇيەمەلدەۋگە جانە وعان قولداۋ كورسەتۋ ءۇشىن، قازاقستان ۇلتتىق ونەر ۋنيۆەرسيتەتىنىڭ وركەسترى ء"انشى" ساحناسىنا ارناۋلى بارىپ قاتىستى. قىتاي جۇرتى اسىرەسە قازاقتىڭ ساف ۇلتتىق ونەر ناقىشىنا ءتانتى بولعانىن جاسىرا المادى. ءان اياقتالىسىمەن قىتاي الەۋمەتتىك جەلىلەرىندە ديماش جانە ونىڭ ورىنداعان كەزەكتى ءانى تۋرالى پىكىرلەر قارشا بورادى. سونىڭ ءبارى دە قازاق ونەرى مەن تالانتتى ۇلىنا ءتانتى بولعان پىكىرلەر.

ديماشتىڭ انىنەن كەيىن ونىڭ جوباداعى ارىپتەسى، قىتايلىق ءانشى لي جيان: "ديماشتىڭ ءانى اسا شىنايى شىقتى.  ونىڭ بۇل ءاندى جانىنا سىڭىرگەنى بايقالادى. ديماشتىڭ كوزىندە ءومىردىڭ سان قىرىن كورگەن ادامنىڭ بەينەسى شىعىپ تۇرادى. بۇل ونىڭ ارتيستىك قابلەتى ەمەس، وعان بەرگەن تالانت", – دەپ شىن باعاسىن بەردى.

جارايسىڭ ديماش!

“The Qazaq Times”