تۇرىك اۋە كۇشتەرىنىڭ شابۋىلشى ۇشاعى. فوتو: FRTG7.

تۇرىك اۋە كۇشتەرى يراكتىڭ سولتۇستىگىندەگى زاپ ايماعىنداعى تەررورلىق توپقا قاراتا اۋە شابۋىلىن جاسادى. تۇركيا ااك-ءنىڭ حابارىنا قاراعاندا وپەراتسيا بارىسىندا تەررورلىق توپتىڭ 5 ادامىن ولتىرگەن. بۇل تۋرالى «تۇركى تەلە-راديو» قىزمەتىنىڭ رەسمي سايتى حابارلادى.

تۇرىك اۋە كۇشتەرىنىڭ كەزەكتى اۋە وپەراتسياسى تۇركيا ۇكىمەتى جاعىنان «بولشەكتەۋشى تەررورلىق ۇيىم» اتالعان كوبىنە كۇردتەردىڭ قارۋلى جاساعىنان قۇرالعان ۇيىمعا قاراتىلعان. تۇركيا ۇكىمەتى اتالعان تەررورلىق توپتى قارجىلاندىردى دەپ اقش ۇكىمەتىن دە كوپ جەردە سىنعا الىپ كەلگەن.

تۇركيا ااك-ءنىڭ بەرگەن مالىمەتىندە لاڭكەستەردىڭ 5 ادامىن جانە ولاردىڭ قارۋلى كولىكتەرىن جويعان. كەزەكتى وپەراتسيا اۋە كۇشتەرىنىڭ ءبىر شابۋىلشى ۇشاعى ارقىلى جۇزەگە اسقان. سوڭعى مالىمەتتە ۇشاق تۇركياداعى اۋە بازاسىنا قاۋىپسىز قايتىپ ورالعانى ايتىلدى.

“The Qazaq Times”