مەكسيكادا جەر سىلكىنىسىنەن قازا بولعاندار سانى كوبەيىپ كەلەدى

مەكسيكادا جەر سىلكىنىستەن قازا تاپقاندار سانى 273 ادامعا جەتتى دەپ حابارلايدى BBC ونلاين قىزمەتى. قۇتقارۋشىلار قيراندىنىڭ استىندا قالعانداردى ىزدەستىرۋدە. كۇشى 7,1 بالل شاماسىنداعى جەر سىلكىنىسىنەن وننان استام عيماراتتار قيراپ، ميلليونداعان ادامدار ەلەكتر جارىعىنسىز قالدى.

ەلدىڭ پرەزيدەنتى ەرنيكە پەنيا نەتو «اپاتتان زارداپ شەككەندەردى قۇتقارۋ ەڭ باستى مىندەت» دەپ بۇيىرىق شىعاردى. قۇتقارۋ قىزمەتىندەگىلەر باس قالا مەكسيكاداعى قيراعان ون عيماراتتىڭ استىندا «ءتىرى قالعاندار بار بولۋى مۇمكىن» دەپ وتىر. ال، ەلدىڭ وڭتۇستىگىندەگى اپاتتان قيراعان ەنريكە رەبسامەن مەكتەبىنىڭ عيماراتىنىڭ الدىندا 500 اسكەر، 200 پوليتسيا قىزمەتكەرى جانە ەرىكتىلەردەن قۇرالعان قۇتقارۋ كومانداسى توقتاۋسىز تازالاۋ، ىزدەۋ قىزمەتىن جالعاستىرعانىنا ءبىر جەتىگە جاقىندادى. اتالعان ورىننان جەتكەن سوڭعى دەرەكتەرگە قاراعاندا 11 وقۋشى قۇتقارىلعان، الايدا تاعى 19 وقۋشى قيراندى استىندا قازا بولعان. قۇلاعان عيمارات استىندا تاعى 6 ەرەسەك ادام كوز جۇمعان.

سول ەلدەگى BBC تىلشىلەرىنىڭ ايتۋىنشا، قۇلاعان عيماراتتاردىڭ تاعى بىرىندە وفيستەر بولعان، وندا 30-دان استام ءتىرى قالعان ادام بار بولۋى مۇمكىن دەپ وتىر.

پوليتسيا تاراۋلارى ءار جەردە ازا ءبىلدىرۋ قيمىلدارىن ۇيىمداستىرۋعا باقىلاۋ جاساۋدا. شاعىن تۇردەگى تارتىپسىزدىكتەردىڭ جاپپاي تارتىپسىزدىكتەرگە ۇلاسۋىنىڭ الدىن الۋ ءۇشىن بارلاۋ قىزمەتىن ارتتىرعان.

“The Qazaq Times”