Soltüstik Koreyada koronavirus deregi tirkelgen joq. Bileuşi Eñbek partiyasınıñ sayasi byurosınıñ otırısında el prezidenti Kim Çen In osılay dep mälimdedi.

Soğan qaramastan, Kim Çen In elde epidemiyağa qarsı jwmıstı küşeytudi jalğastıru kerek ekenin eskertti. Jıl basında Phen'yan biligi barlıq halıqaralıq tasımaldı jauıp, şeteldik turisterdiñ elge kiruine tıyım salğan edi. Sonımen qatar jinalıstardı keyinge şegerip, twrğındardı qoğamdıq orındarda betperde tağuğa mindettegen. Al «COVID-19» belgileri bar adamdar karantinge jabıladı.

KHDR Densaulıq saqtau ministrligi 900-den astam adamnıñ koronavirustı anıqtau boyınşa testiden ötkenin jäne olardıñ bir de bireuinen «COVID-19» anıqtalmağanın ayttı.

Resmi mälimetter boyınşa, älemde COVID-19 koronavirusı 10,8 million adamğa jwqqan. Qaytıs bolğandar 521 mıñğa jetti. 5,7 million adam jazıldı. Düniejüzilik densaulıq saqtau wyımı Qıtaydan tarağan bwl virustı «pandemiya» dep jariyalağan bolatın. Virustı alğaş jwqtırğandar Qıtaydıñ Hubey provinciyasınıñ Uhan' qalasında tirkeldi.

"The Qazaq Times"