فوتو: ريا نوۆوستي

كحدر ءوز تاريحىندا ەڭ ۇلكەن اسكەري وقۋ-جاتتىعۋ جۇمىستارىن وتكىزدى دەپ حابارلادى سولتۇستىك كورەيانىڭ ورتالىق تەلەگراف اگەنتتىگى.

ءساۋىردىڭ 25-دە وتكەن سولتۇستىك كورەيا اسكەرىنىڭ قۇرىلعانىنا 85 جىل تولۋىنا وراي ۇيىمداستىرىلعان اسكەري وقۋ-جاتتىعۋ جۇمىستارىندا 300-دەن استام ارتيللەريالىق قارۋ ءبىر ۋاقىتتا جويقىن اتىس جاساعان. بۇل جولعى اسكەري جاتتىعۋعا پحەنيان ءوزىنىڭ سوڭعى ۇلگىدەگى اسكەري تەحنيكامەن جابدىقتالعان سۇڭگۋىر قايىقتارى مەن بومبىلاۋشى ۇشاقتارىن قاتىستىرعان.

«ءبىز وسى جولعى اسكەري وقۋ-جاتتىعۋ ارقىلى ءوز كۇشىمىزدى تولىقتاي كورسەتتىك جانە كورەي حالقىنىڭ جاۋلارىنا قارسى تۇرا الاتىنىمىزدى دالەلدەدىك» دەدى سولتۇستىك كورەيا باسشىسى كيم چەن ىن NHK تەلە ارناسىننان سويلەگەن سوزىندە.

سوڭعى ۋاقىتتا كورەي تۇبەگىندە سولتۇستىك كورەيا مەن اقش اراسىنداعى تەكەتىرەس كۇن وتكەن سايىن ۋشىعىپ بارادى.

"The Qazaq Times"