قازاقستان سىرتقى ىستەر ءمينيسترى كاتار امىرشىسىمەن كەزدەسۋدە لاڭكەستىك ارەكەتتەرمەن كۇرەسۋ جولدارى مەن استانادا ءسۇريا بەيبىتشىلىك وتىرىسىن وتكىزۋ ماسەلەسىن قاراستىردى دەپ حابارلادى "فارس" ءباسپاسوزى.
«Alalam» ارناسىنىڭ حابارلاۋىنشا، قازاقستان سىرتقى ىستەر ءمينيسترى قايرات ءابدىراحمانوۆ دوحاعا جاساعان ساپارىندا كاتار ءامىرشىسى شەيح تاميم بين حامد الە سانيمەن كەزدەستى.
وسى مالىمەت بويىنشا، كەزدەسۋدە قازاقستان سىرتقى ىستەر ءمينيسترى بيىلعى جىلدىڭ 10- 11 قىركۇيەك كۇندەرى استانادا وتەتىن يسلامدىق ىنتىماقتاستىق ۇيىمىنىڭ عىلىم مەن تەحنولوگيانى دامىتۋ ءبىرىنشى سامميتىنە قاتىسۋ ءۇشىن قر ەلباسى نۇرسۇلتان نازارباەۆتىڭ شاقىرۋ حاتىن كاتار امىرشىسىنە تابىس ەتتى.
تاراپتار سونداي- اق وسى كەزدەسۋدە كاتاردىڭ استاناداعى ەكسپو- 2017 كورمەسىنە قاتىسۋ ءۇشىن ازىرلىگىن قاراستىردى.
قازاقستان سىرتقى ىستەر ءمينيسترى مەن كاتار ءامىرشىسى ايماقتاعى ماڭىزدى ماسەلەلەردى، سونىڭ ىشىندە استاناداعى ءسۇريا بەيبىتشىلىك كەلىسسوزدەرىنىڭ ۇدەرىسى مەن الداعى كەڭەسۋلەرگە وسى ەل ۇكىمەتى مەن ونىڭ قارسىلاستارىنىڭ قاتىسۋ تاقىرىبىن قاراستىردى.
ءابدىراحمانوۆ كاتار امىرشىسىمەن كەزدەسۋدە ونىڭ 2014 جىلدىڭ قاڭتار ايىندا استاناعا جاساعان ساپارى مەن قر ەلباسى نۇرسۇلتان نازارباەۆتىڭ 2015 جىلدىڭ قازان ايىندا دوحاعا جاساعان ساپارى بارىسىندا جاسالعان كەلىسىمدەردىڭ باسىم كوپشىلىگىنىڭ ورىندالىپ جاتقانىن جانە ەكىجاقتى ىنتىماقتاستىقتاردىڭ ەداۋىر ۇلعايعانىن مالىمدەدى.
"The Qazaq Times"
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
وقپەن باسىلعان قاڭتار: يراندا بيلىك حالىقتى قارۋمەن باسىپ جاتىر
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
ۆەنەسۋەلاداعى اسكەري وپەراتسيا: ترامپتىڭ مالىمدەمەسى جانە ايماقتىق تۇراقسىزدىق تاۋەكەلى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى
يەمەن سوعىسىنىڭ جاڭا كەزەڭى: وڭتۇستىكتەگى قاقتىعىس جانە ايماقتىق دەرجاۆالاردىڭ ويىنى