فوتو: The Wall Street Journal

اق ءۇيدىڭ بولات يمپورتىنا جاڭا شەكتەۋ ەرەجەلەرىن قوياتىنى بەلگىلى بولدى. الايدا، الەمدەگى ەڭ ءىرى بولات ەكسپورتتاۋشى ەل سانالاتىن قىتاي جاعى بۇل جاڭالىققا «قىڭق» دەگەن جوق. ءتىپتى قىتايلىق جوعارى لاۋازىمدىلارى مەن ساراپشىلارى بۇل «ويىندا» جەڭىلەتىن ەل اقش-تىڭ ءوزى بولادى دەدى.

ولاردىڭ ايتىسىنا قاراعاندا، اقش-تىڭ بولات ونەر كاسىبىنىڭ شىعىنى اسا جوعارى. سەبەبى، اقش-تىڭ جوعارى تاريفتەرى ەلدىڭ ىشكى وندىرىسىندە قالىپتاسىپ وتىرعان باسەكەگە قابىلەتتىلىكتىڭ قۇلدىراۋ ۇردىسىنە توسقاۋىل قويا الماي وتىر. ال وسىعان كەرىسىنشە قىتاي باستاعان ەلدەردە ەكسپورتتىق جوعارى ارتۋى تۋىنداپ وتىر.

قىتايدىڭ ۇكىمەتتىك قولداۋىنداعى قىتاي بولات-تەمىر بىرلەستىگىنىڭ ۆيتسە-پرەزيدەنتى چي جيڭدوڭ (Qi Jingdong) بۇل تۋرالى: «ءبىر-ەكى ميلليون توننانى قۇرايتىن قىتاي بولات-تەمىر ەكسپورتى، قالاي جىلدىق يمپورتى 100 ملن توننادان اساتىن ەلدىڭ بولات ونەركاسىبىنە سونشالىق ۇلكەن اسەر ەتە الادى؟»، – دەگەن سۇراعىمەن ءوز پىكىرىن ءبىلدىردى. سولاي بولعان كۇننىڭ وزىندە اقش پرەزيدەنتى ترامپتىڭ بولات يمپورتىنا شەكتەۋ جاساۋىنىڭ دا وزىندىك سەبەبى بار. ەستەرىڭىزدە بولسا، وتكەن بەيسەنبى كۇنى ترامپ سيرەك قولدانىلاتىن بۇل ەرەجەنىڭ ۇلتتىق قاۋىپسىزدىك تۇرعىدا كەرى اسەرىنىڭ بار جوعىن انىقتاۋعا تاپسىرما بەرگەن بولاتىن. ويتەتىنى اقش بولات ونەركاسىبى تۇرالاپ قالسا، امەريكانىڭ بەتكە تۇتار ايبىنى بولىپ وتىرعان الەمدەگى ەڭ قۋاتتى ارميانىڭ كۇشىنە دە كەرى اسەرىن تيگىزەدى.

كونە زاڭعا جاسالاتىن ساراپتاۋدىڭ كولەمى انىق ەمەس. ال، وزگەلەردىڭ كوزقاراسى بويىنشا بولات يمپورتىنا كەڭ اۋقىمدى تەجەۋ جاسالسا، بۇل اقش ونەركاسىبىنىڭ باسەكەگە قابىلەتتىلىگىنە تىكەلەي زيان. بۇل مۇناي قۇبىرلارىن جاڭارتۋ مەن اۆتوكولىك جابدىقتارىن ءوندىرۋ تاعى باسقا ءوندىرىستىڭ بارلىق تۇرلەرىنە قيىنشىلىق الىپ كەلەدى دەپ قارايدى.

قىتاي جاعى ترامپ شەشىمىنەن ءبىر كۇن كەيىن حابارلاما جاريالاپ: «مۇنداي شەكتەۋ قويۋ امەريكا ءۇشىن تىم ەرتە. ءبىز اقش ۇكىمەتىنىڭ قانداي قورتىندىعا كەلەتىنىن وسى اپتانىڭ سوڭىندا كورەتىن بولامىز»، – دەگەن بولاتىن.

The Qazaq Times