جۇرت قازاقشا بايانداماسىن سۋفلەردەن وقيتىن پرەزيدەنت توقاەۆتىڭ "ورىس ءتىلىن حالقارالىق دەڭگەيدە دامىتۋ" تۋرالى ۇسىنىسىنا قارسىلىعىن ءبىلدىرىپ جاتقان تۇستا  بايىبىنا بارا الماي جاتقان تۇستا Chocolife باسشىسى راميل مۋحورياپوۆتىڭ ورىستارعا قازاقشا جاۋاپ بەرۋ مادەنيەسىزدىك دەگەن سوزىنە نارالىق ءبىلدىرىپ ونى جاۋاپقا تارتۋدى تالاپ ەتتى.  

الەۋمەتتىك جەلىلەردە 19 قازان كۇنى Chocolife باسشىسى راميل مۋحورياپوۆتىڭ قازاقستانعا كەلگەن رەسەيلىكتەرمەن كەزدەسۋ وتكىزگەن ۆيدەوسى تارادى. ونىڭ قازاق تىلىنە قاتىستى پىكىرى حالىقتىڭ اشۋىنا ءتيدى. ول ۆيدەودا بىلاي دەيدى; «ادام مۇلدە ورىسشا بىلمەسە عانا سولاي ىستەسىن. ايتپەسە، بۇل (قازاقتاردىڭ ورىسشا سويلەگەن ادامعا قازاقشا جاۋاپ بەرۋى) ءبىرتۇرلى بولادى ەكەن. بۇل كىشكەنە بولسا دا ۇلتشىلدىقتىڭ بەلگىسى. قازاق تىلىندە جاۋاپ بەرۋ – مادەنيەتسىزدىك». وسىدان سوڭ بۇكىل ەل بويىنشا رەزونانس تۋدىردى. ونىڭ ەل الدىندا كەشىرىم سۇراۋىن تالاپ ەتىپ، كاسىپكەردىڭ ونىمدەرىنە بويكوت جاريالاۋعا ۇندەدى. ونىڭ ونىمدەرىنە بالامالار ۇسىنىلا باستادى.
Dalainside تەلەگرام ارناسىنىڭ جازۋىنشا:

Chocolife.me كۋپوندارىن BeSmart-قا;

Chocotravel اۆيابيلەت سەرۆيسىن Kaspi ترەۆەلگە;

Chocofood جەتكىزۋ سەرۆيسىن Glovo مەن Wolt-قا;

Chocomart.kz, Lensmark.kz ينتەرنەت دۇكەندەرىن Kaspi.kz دۇكەنىنە;

iDoctor.kz دارىگەر ىزدەۋ سەرۆيسىن Doq.kz سەرۆيسىنە;

راحمەت كەشبەك ءموبيلدى قوسىمشاسىن Dosmart قوسىمشاسىنا الماستىرۋعا بولادى ەكەن.
جۋرناليست ايبار ولجاەۆ الماتى قالاسىنىڭ پروكۋراتۋراسىنا شاعىمدانىپ، مۋحورياپوۆتىڭ ءسوزىن قىلمىستىق كودەكستىڭ 174-بابى، ياعني، «الەۋمەتتiك، ۇلتتىق، رۋلىق، ناسiلدiك، تەكتىك-توپتىق نەمەسە دiني الاۋىزدىقتى قوزدىرۋ» بابى بويىنشا تەكسەرۋدى تالاپ ەتكەن. دەپۋتات ەدىل جاڭبىرشين دا قىلمىستىق كودەكستىڭ 174-بابى بويىنشا جاۋاپكەرشىلىككە تارتىلۋى تۋرالى دەپۋتاتتىق ساۋال جولدادى. بەلگىلى ءانشى نۇرلان البان ءوزىنىڭ پاراقشاسىندا قازاقتان شىققان تالانتتى مامانداردى قولداۋعا شاقىرادى. سول ارقىلى مۋحورياپوۆتىڭ ونىمدەرىن ىعىستىرىپ، قازاق ءتىلىن قولدانىسقا ەنگىزەتىن، ەلگە جانى اشيتىن كاسىپكەرلەردىڭ دامۋىنا ۇلەس قوسايىق دەيدى. ادۆوكات ءلاززات احاتوۆا Dalanews.kz تىلشىسىنە بەرگەن جاۋابىندا مۋحورياپوۆتىڭ ۇستىنەن ءبىر ادام عانا ەمەس، قوعام بولىپ ارىز ءتۇسىرۋ كەرەكتىگىن جەتكىزگەن. ‘’مۋحورياپوۆتىڭ رەسەيلىكتەرمەن بولعان كەزدەسۋدە ايتقان پىكىرىندە ءشوۆينيزمنىڭ بەلگىلەرى بار ما؟’’ دەگەن ءتىلشى سۇراعىنا، ءلاززات احاتوۆا:
“– مەنىڭشە، شوۆينيستىك كوزقاراس پەن پيعىل انىق كورىنىپ تۇر. مەنمەندىك، مادەنيەتسىزدىكتى ءوزى كورسەتتى. قازاقستاندا تۇرىپ، قازاق ءتىلىن سىيلامادى.
شىنتۋايتىنا كەلگەندە، ونىڭ تاۋىپ وتىرعان تابىسى قازاقستاندىقتاردىڭ ارقاسىندا كەلىپ وتىر. قازاق اۋديتورياسىنىڭ اقپاراتتىق شابۋىلى اجەپتاۋىر سوققى بولدى دەپ ويلايمىن.”- دەپ جاۋاپ بەرگەن.

"قازاقستاندا ورىسشا سويلەۋگە مىندەتتى ەمەسپىن!، #cancelchjcjlife, #راميلگە بايكوت!" دەپ جازىلعان پلاكات الىپ  Chocofamily كەڭسەسىنە كەلگەن الماتىلىق كاميلا ەڭسەگەنوۆا "ول كىسى قازاقستاننىڭ نارىعىندا جۇمىس جاساۋعا لايىقتى ەمەس دەپ تانيمىن!. قازاقتىڭ نانى ءتاتتى، اقشاسى ءتاتتى، قازاقتىڭ ءتىلى جامان با؟" دەپ نارازىلىعىن ءبىلدىردى.

راميل مۋحورياپوۆ ءوز پاراقشاسىندا كەشىرىم سۇراعان ۆيدەوسىن جۇكتەدى. الايدا، ەل ونىڭ وسىلاي اقتالۋىنا قاناعاتتانبايتىنىن، قازاق ءتىلىن قورلاپ، ۇلت ارازدىعىن تۋدىراتىن پىكىرى ءۇشىن قاتاڭ جاۋاپكەرشىلىككە تارتىلۋىن تالاپ ەتەتىندىكتەرىن ايتۋدا. سوڭعى كەزدەرى جيىلەگەن وسىنداي سيپاتتاعى ۆيدەولاردىڭ سوڭىندا ۇنەمى كەشىرىم سۇراۋمەن تىندىم بولادى. بۇل جولعى مۋحورياپوۆتىڭ پىكىرىن دە سولاي جىلى جاۋىپ قويا سالماق پا، الدە، سوڭىنا دەيىن اپارامىز دەگەن حالىق ۇنىنە قۇلاق اسا ما؟ ول جاعى بەلگىسىز.

ەل ەگەنمەندىگىن العالى مەملەكەتتى قۇراۋشى قازاق ۇلتى ءوز ءتىلىنىڭ ءالى اياققا تاپتالىپ كەلە جاتقانىنا ءناليدى. الايدا ەكس پرەزيدەنت نازارباەۆتىڭ كەزىندەگى سەكىلدى بۇگىنگى پرەزيدەنت توقاەۆتا "قازاق ءتىلىن ساياسيلاندىرماۋ كەرەك" دەگەن ۇستانىمىن اشىق ايتىپ كەلەدى.