فوتو: ازاتتىق راديوسىنان.

پاكىستاننىڭ قۇرلىق ارميا قوسىنى ارناۋلى حابارلاما جاريالاپ، قۇرلىق ارميا باس قولباسشىسى پەشاۋار وڭىرىندەگى 30 لاڭكەستى ولتىرۋگە بۇيرىق بەرگەن. پاكىستان قارۋلى كۇشتەرىنىڭ كورسەتكەن مالىمەتىنە قاراعاندا، بۇل اتالعان لاڭكەستەر ەەشاۋارداعى اسكەريلەردىڭ بالالارى وقيتىن مەكتەپكە جاسالعان لاڭكەستىك شابۋىلعا قاتىسقان ەكەن. بۇل تۋرالى «شينحۋا» اگەنتتىگى حابارلاعان بولاتىن.

پەشاۋارداعى مەكتەپكە جاسالعان لاڭكەستىك شابۋىلدا جازىقسىز بالالر مەن جاي بۇقارالار زارداپ شەككەن، بىرنەشە قارۋلى زاڭ اتقارۋشى قىزمەتكەرلەر وققا ۇشقان. لاڭكەستىك توپ، سونىمەن بىرگە سول ايماقتاعى ماڭىزدى اۋەجايدىڭ بىرىنە دە قارۋلى شابۋىل ۇيىمداستىرعان.

وقيعادان كەيىن پاكىستان ۇكىمەتى لاڭكەستەردى اياۋسىز جازالاۋ شارالارىن ۇيىمداستىرعان. مۇنداي ىستەرگە تورەلىك جاساۋ ءۇشىن پاكىستان جوعارى اسكەري سوتىن قۇرعان. سوت شەشىمىن اتقارۋعا اتالعان ەلدىڭ قۇرلىق ارميا قارۋلى قوسىنى جۇمىلدىرىلىپ وتىر.

The Qazaq Times