ۋكراينا پرەزيدەنتى زەلەنسكيدىڭ ۆيدەو ۇندەۋى، رەسەي زاپوروجە ستانتسياسى ارقىلى بۇكىل الەمدى بوپسالاپ وتىر، «ۇلكەن جەتىلىك» جانە بۇۇ رەسەيگە ەسكەرتۋ جاساپ، زاپوروجەدەن دەرەۋ شىعۋىن تالاپ ەتتى، -دەپ جازدى BBC  اگەنتىگى.

التى يادرولىق رەاكتورلى زاپوروجە اتوم ەلەكتر ستانتسياسى ۋكراينانىڭ وڭتۇستىگىندەگى دنەپر وزەنىنىڭ شىعىس جاعالاۋىندا ەنەرحودار قالاسىندا ورنالاسقان. ناۋرىز ايىندا ورىس اسكەرى باسىپ العاننان بەرى سوعىس بازاسىنا اينالدىرعانى ءۇشىن ايىپتالىپ كەلەدى. سوڭعى كۇندەرى ەكى ەل دە ستانتسياعا وق اتقانى ءۇشىن بۇۇ نىڭ يادرولىق اپات تۋرالى ەسكەرتۋىن الدى.رەسەي زاۋىتتا قانداي دا ءبىر زاڭ بۇزۋشىلىقتىڭ بار ەكەنىن جوققا شىعارىپ، ۇرىس كەزىندە راديواكتيۆتى ماتەريالداردىڭ اعىپ كەتۋىنە جول بەرمەۋ ءۇشىن زاۋىتتى باقىلاۋعا العانىن ايتادى.
سەنبى كۇنى كەشكە ۆيدەو ۇندەۋ جاساعان زەلەنسكي مىرزا رەسەيدىڭ ۇنەمى ارانداتۋشىلىقتار جاساپ وتىرعانىن، جاقىن ماڭداعى قالالاردى اتقىلاۋ ءۇشىن ستانسانى پايدالانىپ وتىرعانىن، زاۋىتقا وق اتقان كەز-كەلگەن رەسەيلىك سارباز سوعىستىڭ ەرەكشە نىساناسى بولاتىنىن ەسكەرتتى. سونداي-اق رەسەي زاپوروجە ستانتسياسى ارقىلى بۇكىل الەمدى بوپسالاپ وتىر دەدى. ۋكراينانىڭ قورعانىس بارلاۋ اگەنتتىگى دە رەسەيدى كيەۆتىڭ بەدەلىن ءتۇسىرۋ ءۇشىن «پيون» وزدىگىنەن جۇرەتىن اۋىر ارتيللەريانى جاقىن ماڭداعى قالا سىرتىنا قويىپ، وعان ۋكراينا تۋىن تىگىپ ارانداتۋشىلىق جاسادى دەپ ايىپتادى. بىرىككەن ۇلتتار ۇيىمىنىڭ باس حاتشىسى انتونيۋ گۋتەرريش زاۋىتتاعى جاعداي «اپاتقا اكەلۋى مۇمكىن» دەپ ەسكەرتتى جانە بەيسەنبىدە «ۇلكەن جەتىلىك» ونەركاسىپتىك دەموكراتيالار توبىنىڭ سىرتقى ىستەر مينيسترلەرى رەسەيدەن زاۋىتتان دەرەۋ شىعۋدى تالاپ ەتتى.

ن.بايتۇرسىن