شىلدەنى 1-2 كۇندەرى نوكىستەگى تولقۋلار قۇرباندارىنىڭ سانى 21-گە جەتتى. بۇل تۋرالى وزبەكستان باس پروكۋراتۋراسىنىڭ ءباسپاسوز حاتشىسى حايوت شامسۋتدينوۆ دۇيسەنبىدەگى بريفينگتە حابارلادى. بۇل تۋرالى ورتالىق ازيا جاڭالىقتار قىزمەتى جازدى.
ءباسپاسوز حاتشىسى: "دارىگەرلەر قانشا تىرىسقانىمەن، جاراقاتى اۋىر تاعى ءۇش ادام قايتىس بولدى" دەدى.
ەسكە سالايىق، بيلىك 4 شىلدەدە نوكىستەگى تولقۋلاردا 18 ادام قازا بولعانىن، ولاردىڭ تورتەۋى قۇقىق قورعاۋ ورگاندارىنىڭ قىزمەتكەرى ەكەنىن حابارلاعان.
ءشامسۋتدينوۆتىڭ ايتۋىنشا، 274 ادام مەديتسينالىق كومەك سۇراعان بولسا، اۋرۋحانادا ءالى 16 ادام جاتىر.
باس پروكۋراتۋرا مالىمەتىنشە، قۇقىق قورعاۋ ورگاندارىنىڭ مىندەتىن ورىنداۋ كەزىندە جارالانعان 141 قىزمەتكەرى جانە دەنساۋلىعى مەن مۇلكىنە زاقىم تيگەن 16 ازامات جابىرلەنۋشى دەپ تانىلدى.
قاراقالپاقستان استاناسى نوكىس قالاسىنداعى تولقۋلار 1 شىلدەدە باستالدى. حالىق نارازىلىعىنا كونستيتۋتسياداعى قاراقالپاقستان ەگەمەندىگى تۋرالى باپتى جويۋدى قاراستىراتىن كونستيتۋتسيالىق زاڭ جوباسى تۇرتكى بولدى.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى