رەسەي مەن ۋكراينا اراسىنداعى قاقتىعىس ۇزاققا سوزىلىپ بارادى، قازىرگە سوعىستىڭ اياقتالار شاعىن ءدوپ باسىپ ايتۋ قيىن. كرەمل رەسەي پرەزيدەنتى ۆلاديمير ءپۋتيننىڭ 19 شىلدەدە يران استاناسى تەگەرانعا باراتىنىن حابارلادى. BBC news بۇل ساپار اياسىندا ونىڭ ءسۇريا ءىسى بويىنشا  كەلىسسوزدەر ءۇشىن يران پرەزيدەنتى ەبراحيم رايسيمەن، تۇركيا پرەزيدەنتى رەجەپ تايىپ ەردوعانمەن كەزدەسەدى دەپ  جازدى.

اق ءۇيدىڭ ۇلتتىق قاۋىپسىزدىك جونىندەگى كەڭەسشىسى دجەيك سالليۆاننىڭ ايتۋىنشا، اقش-قا تۇسكەن اقپارات بويىنشا يراننىڭ رەسەي كۇشتەرىن ۇشقىشسىز ۇشاقتاردى قولدانۋدى ۇيرەتۋگە دايىندالىپ جاتقانىن كورسەتەدى. الايدا ۇشقىشسىز ۇشاقتاردىڭ رەسەيگە جەتكىزىلگەنى تۋرالى ناقتى مالىمەتتەر جوق.
اقش پەن باسقا وداقتاستار ۋكرايناعا اقپان ايىندا باسىپ كىرگەننەن بەرى ميللياردتاعان دوللارعا قارۋ-جاراق جەتكىزگەن.
سالليۆان مىرزا اقش «ۋكراينانىڭ ءتيىمدى قورعانىسىن قولداۋدى» جالعاستىراتىنىن ايتتى.

يراننىڭ رەسەيگە كومەكتەسۋى جاعدايدى ءتىپتى دە ۋشىقتىرا ءتۇسۋى مۇمكىن. دروندار ەكى تاراپ ءۇشىن دە اسا ماڭىزدى قارۋ. سالليۆان مىرزانىڭ ايتۋىنشا يراندىق درونداردى يەمەندەگى حۋسيت كوتەرىلىسشىلەرى ساۋد ارابياسىنا شابۋىل جاساۋ ءۇشىن بۇرىن قولدانعانىن بايقاعان. ونىڭ بۇل مالىمدەمەسى اقش پرەزيدەنتى دجو بايدەننىڭ وسى اپتادا يزرايل مەن ساۋد ارابياسىنا ساپارى قارساڭىندا ايتىلدى.

The Qazaq Times