بايدەن لوس-اندجەلەس ساپارىندا. فوتو: Los Angeles Times

زەلەنسيكي اقپاندا رەسەيدىڭ ۋكرايناعا شابۋىل جاسايتىنى تۋرالى اقش بارلاۋ قىزمەتىنىڭ مالىمەتتەرىن ەلەمەگەن. بۇنداي مالىمدەمەنى اقش پرەزيدەنتى جو بايدەن لوس-اندجەلەستەگى دەموكراتتاردىڭ كەزەكتى ءىس شاراسىندا ورتاعا سالدى. 

اتالمىش شاراداعى سوزىندە بايدەن قۇراما شتاتتاردىڭ ۋكرايناعا اسكەري كومەك بەرۋىنىڭ ماڭىزى تۋرالى ءتۇسىندىردى. ول ۋكرايناداعى سوعىستى ەكىنشى دۇنيەجۇزىلىك سوعىستان كەيىنگى ەڭ ۇلكەن قاقتىعىس دەپ باعالادى.

"كوپتەگەن ادام مەنى اسىرا ايتىپ وتىر دەپ ويلاۋى مۇمكىن. مۇنى مەن بىلەمىن. بىزدە ءپۋتيننىڭ ۋكرايناعا شابۋىل جاسايتىنى تۋرالى كۇمانسىز دەرەكتەر بولدى. الايدا، سول كەزدە بۇل مالىمەتتەرگە زەلەنسكي قۇلاق اسپادى", – دەدى پرەزيدەنت بايدان.

قۇراما شتاتتار ۋكرايناعا كولەمدى اسكەري كومەك بەرۋدى جالعاستىرۋدا. دەگەنمەن، رەسەيمەن مامىلەنىڭ تۇبەگەيلى بۇزىلۋىنان الاڭدايتىن ەل ازاماتتارى مەن ساياساتكەرلەر اراسىندا ۋركياناعا اسكەري كومەك بەرۋدى قولدامايتىندار دا بار. بايدەن اكىمشىلىگى قازىر اسكەري كومەك بەرۋدىڭ ماڭىزى تۋرالى تۇسىندىرۋگە تىرىسىپ جاتىر.

The Qazaq Times