قىتاي ءسىم باسشىسى كۋلەباعا قوڭىراۋ شالدى

قىتاي سىرتقى ىستەر ءمينيسترى ۋاڭ ي ۋكراينالىق ارىپتەسى دميتري كۋلەبامەن تەلەفون ارقىلى سويلەستى. بۇل تۋرالى قىتاي ءسىم-ءى ءباسپاسوز قىزمەتى رەسمي مالىمدەدى.

رەسمي مالىمدەمەدە ۋاڭ ي كۋلەباعا ۋكراينا-رەسەي اراسىنداعى سوعىس بويىنشا قىتايدىڭ كوزقاراسىن جەتكىزگەن. ۋاڭ ي سوزىندە «قىتاي بۇل ماسەلەگە گەوساياسي مۇددە تۇرعىسىنان قاراماعانىن، ۋكراينادا بەيبىتشىلىكتىڭ قالپىنا كەلۋىنە مۇددەلى ەكەنىن» ايتقان.

كۋلەبا دا ءوز كەزەگىندە ۋكراينانىڭ رەسمي ۇستانىمدارىن قايتالاپ، رەسمي كيەۆ ۋكراينالىقتاردىڭ ەۋروپاعا اشىق، دەموكراتيالى ەلدە ءومىر ءسۇرۋ تىلەگىن جۇزەگە اسىرۋعا كۇش سالاتىنىن جەتكىزگەن.

رەسەي ۋكرايناعا قارسى سوعىس اشىپ، باتىس ەلدەرىنىڭ جويقىن سانكتسيالارىنا تاپ بولعان تۇتسا كوپتەگەن ەلدەر قىتايدىڭ ۇستانىمى قالاي بولاتىنىنا باسا نازار اۋدارعان بولاتىن. كوپكە دەيىن قىتاي بەيتاراپ ۇستانىمىن العا تارتقان سىڭايدا، ءوزىنىڭ ناقتى ۇسناتىمىن اشىق بىلدىرمەگەن.

بۇل قىتاي ءسىم باسشىسىنىڭ سوعىس باستالعاننان بەرگى العاش رەت ۋكراينالىق ارىپتەسىمەن قوس تاراپتىڭ ۇستانىمدارىن تالقىلاۋى.

The Qazaq Times