يران ءوزىنىڭ يادرولىق باعدارلامالارى شوعىرلانعان ناتانز قالاسىنىڭ ۇستىندە زەنيتتىك زىمىران ۇشىردى. بۇل تۋرالى سول ەلدىڭ مەملەكەتتىك تەلەارنالارى حابار تاراتتى.

ەلدىڭ مەملەكەتتىك ارنالارى حابارىندا، اۋە قورعانىس كۇشتەرى ناتانز قالاسىنىڭ كەڭىستىگىندە جەدەل ارەكەت ەتۋ بويىنشا اۋە قورعانىس جاتتىعۋىن جاساپ جاتقانىن ايتقان.

الەۋمەتتىك جەلىلەردە جەرگىلىكتى تۇرعىندار قاتتى جارىلىس داۋىسىن ەستىگەنىن جازعان. يران قارۋلى كۇشتەرىنىڭ ءباسپاسوز وكىلى شاھين تاقيحاني مالىمدەمە جاساپ: «جاتتىعۋ تولىقتاي قاۋىپسىز كۇيدە وتكىزىلدى، الاڭداۋعا نەگىز جوق»، – دەپ تۇسىندىرگەن.

دەگەنمەن، ەلدەگى كەيبىر اقپارات قۇرالدارى ناتانز قالاسىندا ۇلكەن جارىلىس بولعانىن حابارلاعان ەدى، بىراق وقيعاعا قاتىستى ناقتى تۇسىنىك بەرىلىگەن جوق.

قارۋلى كۇشتەرى اۋە قورعانىس سىناعى وتكىزىلگەنى ايتىلعانىمەن، جەرگىلىكتى تۇرعىندار الەۋمەتتىك جەلىدە جارىلىس قاۋپىنەن الاڭداعان پىكىرلەردى دە جازدى.

The Qazaq Times