سولتۇستىك كورەيا جاپونيا جاعالاۋىنا قاراي بالليستيكالىق زىمىران ۇشىرعان. فوتو: Scroll.in

وڭتۇستىك كورەيا، جاپونيا جانە اقش بارلاۋ قىزمەتىنىڭ لاۋازىمدىلارى سولتۇستىك كورەيا ماسەلەسىن تالقىلاۋ ءۇشىن سەۋلدە باس قوسقان ەدى. بۇل باس قوسۋعا جاۋاپ رەتىندە سولتۇستىك كورەيا جاپون ارالدارىنا جاقىن تەڭىز ايدىنىن كوزدەپ بالليستيكالىق زىمىران اتتى. بۇل تۋرالى وڭتۇستىك كورەيانىڭ اسكەري قىزمەتى مالىمدەدى.

بۇۇ تارتىبىنە ساي يادرولىق باعدارلامانى جەتىلدىرۋگە جانە بالليستيكالىق زىمىران سىناعىن وتكىزۋگە شەكتەۋ قويىلعان. الايدا، سولتۇستىك كورەيا وزىنە باعىتتالعان قاتال ەكونوميكالىق سانكتسيالارعا قاراماستان زىمىران قارۋلارىن دامىتۋدى جالعاستىرىپ كەلەدى.

سوڭعى ۋاقىتتاردا وڭتۇستىك جانە سولتۇستىك كورەيا اراسىندا قاۋىپتى قارۋ-جاراق باسەكەسىنە تۇرتكى بولاتىن ارەكەتتەر كوپ رەت بولدى. تاراپتار ءبىر-بىرىنە جاۋاپ قىلىپ زىمىران سىناقتارىن وتكىزدى. كەيبىر ساراپشىلار بۇل تەندەنتسيا كورەي تۇبەگىندەگى شيەلەنىستى ۋشىقتىرىپ، قاقتىعىسقا قاراي باستايدى دەپ الاڭدايدى.

The Qazaq Times